တရုတ်နိုင်ငံ၏ပိတ်ပင်မှုကြောင့် အမေရိကန်ဒေါ်လာသန်း ၆၀ ခန့်ဆုံးရှုံးခဲ့ရသည့် ဒါဇင်နှင့် ချီသောထိုင်းလုပ်ငန်းများသည် ထုတ်လုပ်မှုရပ်တန့်ခဲ့ကြကြောင်း လုပ်ငန်းနယ်ပယ်မှ တာဝန်ရှိသူ တစ်ဦးကပြောကြားခဲ့ပါသည်။ တရုတ်နိုင်ငံသည် စက်ရုံသန့်ရှင်းရေးနှင့်ပတ်သတ်၍ ထိုင်းနိုင်ငံထံမှ သကာရည်တင်သွင်းမှုကို လွန်ခဲ့သည့်နှစ် ဒီဇင်ဘာလကပိတ်ပင်ခဲ့ကြောင်း သိရပါသည်။ ဇန်နဝါရီလတွင် ထိုင်းတာဝန်ရှိသူများက တရုတ်အား ထိုင်းနိုင်ငံရှိသကာရည်စက်ရုံများအား လာရောက်စုံစမ်းစစ်ဆေးရန်တောင်းဆိုခဲ့ကြောင်း သိရပါသည်။ စက်ရုံ ၄၂ ခုထဲမှ တရုတ်တစ်နိုင်ငံတည်းကိုသာ တင်ပို့သည့် စက်ရုံ ၃၅ ခုမှ ထုတ်လုပ်မှုကို ၁၀၀ ရာခိုင်နှုန်းရပ်တန့်ခဲ့ကြောင်း သိရပါသည်။ ၂၀၂၄ ခုနှစ်တွင် တရုတ်နိုင်ငံသည် ထိုင်းနိုင်ငံ၏ သကာရည်အဓိကတင်သွင်းသည့် နိုင်ငံဖြစ်ပြီး ၁.၂ သန်းမက်ထရစ်တန်တင်သွင်းခဲ့ကြောင်း သိရပါသည်။ ပိတ်ပင်ပြီးချိန်မှစ၍ ထိုင်း စက်ရုံများသည် သယ်ယူပို့ဆောင်ရေးကုန်ကျစရိတ်၊ တရုတ်ဆိပ်ကမ်းများကဒဏ်ရိုက်မှုနှင့် တင်ပို့မှုမအောင်မြင်သောကြောင့် ဈေးနှုန်းလျှော့ချရမှုတို့ပါဝင်သော အမေရိကန်ဒေါ်လာ ၆၀.၃၅ သန်း ဆုံးရှုံးခဲ့ကြောင်း သိရပါသည်။
Ref..Bangkok Post
DOCA (ရန်ကုန်)