အင်ဒိုနီးရှားအစိုးရသည် လူသားအရင်းအမြစ်နှင့် လုပ်သားထုစွမ်းရည်မြှင့်တင်ရေးပါဝင်သော ခရီးသွားကဏ္ဍတွင် မော်လဒိုက်အစိုးရနှင့်ပူးပေါင်းဆောင်ရွက်မှု အခွင့်အလမ်းအတွက် အမွှမ်းတင်ပြောကြားခဲ့ကြောင်း သိရပါသည်။ ခရီးသွားလာရေးဝန်ကြီးဌာနမှ တာဝန်ရှိသူတစ်ဦး ဖြစ်သည့် Rizki Handayani Mustafa က မော်လဒိုက်အစိုးရသည် လုပ်သားထုများပိုမိုလိုအပ်သောကြောင့် လူသားအရင်းအမြစ်ကဏ္ဍပါဝင်သောခရီးသွားကဏ္ဍတွင် ပူးပေါင်းဆောင်ရွက်လိုကြောင်း၊ ၎င်းတို့သည် စီမံကိန်း ၁၀၀ ကျော်တည်ထောင်လျက်ရှိပြီး လူသားအရင်းအမြစ်ပိုမို လိုအပ်နေကြောင်း ပြောကြားခဲ့ပါသည်။ အင်ဒိုနီးရှားသည် မော်လဒိုက်သို့ကုန်ပစ္စည်းတင်ပို့လျှက် ရှိပြီး Spa နှင့် Fitness ကဏ္ဍအတွက် လုပ်သားများစေလွှတ်ရှိကြောင်း သိရပါသည်။ အင်ဒိုနီးရှား တွင် ခရီးသွားအဆင့်မြင့်ကောလိပ် ၆ ခုရှိပြီး နှစ်စဉ် ဘွဲ့ရ ၂၀၀၀ ပတ်လည် ထွက်ရှိကြောင်း သိရပါသည်။ နှစ်ဖက်အစိုးရသည် ခရီးသွားကဏ္ဍ လူသားအရင်းအမြစ်စွမ်းရည်မြှင့်တင်ရေး အတွက် ပူးပေါင်းဆောင်ရွက်နိုင်ကြောင်း သိရပါသည်။ Mustafa က ၎င်းတို့သည် ခရီးသွားကျောင်းများမှဘွဲ့ရများကို အတွေ့အကြုံရရှိစေရန် ခရီးသွားကဏ္ဍနှင့်ပတ်သတ်၍ နာမည်ကျော်ကြားသည့်မော်လဒိုက်ကို စေလွှတ်နိုင်ကြောင်း ပြောကြားခဲ့ပါသည်။
Ref..Antara News
DOCA (ရန်ကုန်)