စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် (၂၂.၄.၂၀၂၅)ရက်နေ့ နေ့လည် (၁၆:၀၀)အချိန်တွင် ဟင်္သာတမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြု ဗဟိုဌာန(Community Centre)ခန်းမ၌ ကုန်စည်နှင့်စပ်လျဉ်း၍ အာမခံချက်ပေးခြင်းနှင့် အာမခံပေး ထားမှုအပေါ် စားသုံးသူကတောင်းဆိုနိုင်သည့် အခွင့်အရေးအကြောင်း စားသုံးသူရေးရာအသိပညာပေး Talk Showအစီအစဉ်ကို ဆောင်ရွက်ခဲ့ပါသည်။
အဆိုပါအစီအစဉ်တွင် မြို့နယ်တာဝန်ခံ ဦးမိုးကျော်က စားသုံးသူရေးရာဦးစီးဌာန၏ စားသုံး သူ ကာကွယ်ရေးဥပဒပါ စီးပွားရေးလုပ်ငန်းရှင်များအနေဖြင့် ရောင်းချသည့်ကုန်စည်နှင့်စပ်လျဉ်း၍ အာမခံ ချက်ပေးခြင်းများအကြောင်း၊ ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူကလက်ခံသုံး စွဲနိုင်သော အရည်အသွေးရှိခြင်း၊ ဘေးအန္တရာယ်ကင်းရှင်းစေခြင်း၊ ကုန်စည်၏အချိန်အတွယ်ပမာဏနှင့် အလေးချိန်မှန်ကန် မှုရှိခြင်း၊ အာမခံချက်ပေးထားသော ဖော်ပြမှုများနှင့် အညီ စားသုံးသူများ ဘေးအန္တ ရာယ်ကင်းရှင်းစွာအသုံးပြုနိုင်စေရေးစသည်တို့ကို ပုဒ်မ(၂၃)တွင်ဖော်ပြထားကြောင်း၊ စီးပွားရေးလုပ်ငန်း ရှင်က စားသုံးသူအပေါ် အာမခံချက်ပေးထားသည့် ကာလ၊ အရည်အသွေးပြည့်မီအောင် ထုတ်လုပ်ခြင်း မပြုလျှင် ဖြစ်စေ၊ သတင်းအချက်အလက်ပြည့်စုံစွာ ဖော်ပြခြင်းမရှိလျှင်ဖြစ်စေ စားသုံးသူက တောင်းဆို နိုင်သည့် အခွင့်အရေးများကို ပုဒ်မ(၂၄) ပုဒ်မခွဲ(၄)ခုဖြင့် ဖော်ပြထားကြောင်း အကျယ်တဝင့် ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)