စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ သက်ဆိုင်ရာဌာနထောက်ခံချက်မရှိသော စားသုံးဆီများကို လစဉ် ကွင်းဆင်းစစ်ဆေးမှုကို စတိုးများ၊ shopping mall များ၊ mart နှင့် ရပ်ကွက်ကုန်စုံဆိုင်များတွင် ကွင်းဆင်းစစ်ဆေးမှုများ ပြုလုပ်လျက်ရှိကြောင်း သိရှိရပါသည်။
သက်ဆိုင်ရာဌာနထောက်ခံချက်မရှိသော စားသုံးဆီများနှင့်ပတ်သက်၍ (၃-၄-၂၀၂၅) ရက်နေ့တွင် ဓူဝံ၊ ရတနာ၊ သမ္မတ မြေပဲဆီသန့်တို့အား ကွင်းဆင်း စစ်ဆေးခဲ့ပြီး စားသုံးသူရေးရာ ဦးစီး ဌာနမှ ကျင့်သုံးဆောင်ရွက်လျက်ရှိသော တည်ဆဲဥပဒေ ညွှန်ကြားချက်များနှင့် ကိုက်ညီမှု ရှိ/မရှိ တို့ကို စစ်ဆေးဆောင်ရွက်လျက်ရှိပါသည်။
ကွင်းဆင်းစစ်ဆေးဆောင်ရွက်ခဲ့ရာ အောင်မြေသာစံခရိုင်အောင်မြေသာစံမြို့နယ် အတွင်း ရှိ ဓူဝံ၊ရတနာ၊သမ္မတမြေပဲဆီသန့်တို့တွင် သက်ဆိုင်ရာဌာနထောက်ခံချက်များပါရှိကြောင်း စစ်ဆေး တွေ့ရှိရပြီး မန္တလေးတိုင်းဒေသကြီးအတွင်းရှိ ခရိုင်များတွင်လည်း လစဉ် စစ်ဆေး ဆောင်ရွက်လျက်ရှိရာ သက်ဆိုင်ရာဌာန ထောက်ခံချက်များပါရှိကြောင်း စစ်ဆေးတွေ့ရှိရပြီး မပါရှိပါက အစားအသောက်နှင့်ဆေးဝါး ကွပ်ကဲရေးဦးစီးဌာနနှင့် စားသုံးသူကာကွယ်ရေး ဥပဒေများဖြင့် အရေးယူဆောင်ရွက်သွားမည် ဖြစ်ကြောင်း သတင်းရရှိပါသည်။
DOCA(မန္တလေး)