စားသုံးသူရေးရာဦးစီးဌာန၊ ကသာခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် ကသာမြို့ပေါ်ရှိ အလှကုန်ဆိုင်များသို့ ဇူလိုင်လ (၁၁)ရက်နေ့တွင် Mistine အလှကုန်များအား အတုအပ ပြုလုပ်၍ ဈေးကွက်အတွင်း ရောင်းချမှု ရှိ/မရှိ စစ်ဆေးခဲ့ပါသည်။
Mistine အလှကုန်အား ထိုင်းနိုင်ငံရှိ Better Way ကုမ္ပဏီမှ ထုတ်လုပ်ပြီး Thiri Cosmetic မှ မြန်မာနိုင်ငံ တစ်ဦးတည်းကိုယ်စားလှယ်အဖြစ် FDA ထောက်ခံချက်၊ Hologram (ရောင်ပြန်) စတစ်ကာနှင့် မြန်မာစာ Labelling ကပ်၍ ဖြန့်ဖြူးရောင်းချကြောင်း၊ ယခုအခါ ဈေးကွက်အတွင်း ရောင်ပြန် စတစ်ကာနှင့် မြန်မာစာ ကပ်နှိပ်ထားခြင်းမရှိသည့် Mistine အလှကုန်များအား တုပ၍ တရားမဝင် ရောင်းချမှုများရှိနေသည့်အတွက် ကသာမြို့ပေါ်ရှိ စတိုးဆိုင်နှင့် အလှကုန်ဆိုင်များတွင် အဆိုပါ ကုန်စည်များ ရောင်းချမှု ရှိ/မရှိ ဈေးကွက်စောင့်ကြည့်စစ်ဆေးခဲ့ရာ Mistine အလှကုန်များအား တုပ၍ တရားမဝင်ရောင်းချမှု မရှိဘဲ Hologram (ရောင်ပြန်) စတစ်ကာ နှင့် မြန်မာစာ Labelling ကပ်ထားသည့်ကုန်စည်များသာ ရောင်းချလျက်ရှိကြောင်း သိရှိရသည်။
DOCA(စစ်ကိုင်း)