ပြည်ထောင်စုနယ်မြေ၊ နေပြည်တော်အတွင်း မြေပဲနှင့်နှမ်း စိုက်ပျိုးထားရှိမှုများတွင် အပင်ပေါက် အနေအထား ကောင်းမွန်မှုများကို တွေ့ရှိနေရပါသည်။ နှမ်း စိုက်ပျိုးမှုအနေအထားတွင် ယခင်နှစ် စိုက်ပျိုးမှုထက် ပိုမိုနေသည့်အခြေအနေတွင် တွေ့ရှိနေရပါသည်။ ဒေသတွင်း မြေပဲဆီ ကြိတ်ခွဲထုတ်လုပ်ရန်အတွက် မြေပဲဆံရရှိမှုမှာ ဒေသတွင်းမှပင် ရရှိနေပြီး ဈေးနှုန်းအနေဖြင့် မြင့် တက်မှု အနည်းငယ်ရှိခဲ့သည်ကို တွေ့ရပါသည်။ နှမ်းဆီ ကြိတ်ခွဲထုတ်လုပ်မှုတွင် နှမ်း(နီ) ဈေးနှုန်း တည်ငြိမ်မှုရှိနေသည်ကို တွေ့ရပါသည်။
တပ်ကုန်းမြို့နယ်နှင့် လယ်ဝေးမြို့နယ်တို့တွင် ဆီပုံမှန်ကြိတ်ခွဲထုတ်လုပ်မှုအနေအထားတွင် တွေ့ရှိနေရပြီး ပျဉ်းမနားမြို့နယ်တွင် လျှပ်စစ်မီးရရှိရန် လိုအပ်နေသည့် ဆီစက်အချို့ကို တွေ့ရှိနေရပါ သည်။ ဒေသတွင်း ဈေးကွက်လိုအပ်ချက်များအား ကြိတ်ခွဲဖြည့်ဆည်းနိုင်မှု ရှိနေပါသည်။ ဆီစက် များတွင် မြေပဲဆီ (၁)ပိဿာဈေးနှုန်း (၁၈၀၀၀)ကျပ်ဖြင့် ရောင်းချနေမှုကို တွေ့ရှိနေရပြီး ဈေးနှုန်းမြင့် တက်မှု ရှိလာနိုင်သည်ကိုလည်း သိရှိရပါသည်။ နှမ်းဆီဈေးနှုန်းတွင် ဇေယျာသီရိမြို့နယ်အတွင်း (၁) ပိဿာဈေးနှုန်း (၁၉၅၀၀)ကျပ်၊ လယ်ဝေးမြို့နယ်တွင် (၁၈၅၀၀)ကျပ် ဖြစ်ပေါ်နေမှုကို တွေ့ရှိပါ သည်။
ပြည်ထောင်စုနယ်မြေ၊ နေပြည်တော်အတွင်း ဒေသတွင်းကြိတ်ခွဲထုတ်လုပ်မှုများမှ မြေပဲဖတ် အများဆုံးထွက်ရှိပြီး၊ ယခင်မန္တလေးဈေးကွက်သို့ တင်ပို့မှုများခဲ့သော်လည်း ဈေးနှုန်းရရှိမှု အနေ အထားအရ မန္တလေးသို့ တင်ပို့မှုနည်းခဲ့သည်ကို သိရှိရပါသည်။ မြေပဲဖတ်ဈေးနှုန်း (၅၀၀၀)ကျပ်၊ နှမ်းဖတ်ဈေးနှုန်း (၄၀၀၀)ကျပ် ရှိနေသည်ကို တွေ့ရှိရပါသည်။
DOCA(ပြည်ထောင်စုနယ်မြေ)