မင်္ဂလာဒုံခရိုင်၊ မင်္ဂလာဒုံမြို့နယ်အတွင်းရှိ ကြက်ခြံများကို (၂၁.၅.၂၀၂၅)ရက်နေ့ နံနက် (၁၀:၀၀) နာရီအချိန်တွင် ဦးကောင်းညွန့်၊ ခရိုင်စီမံအုပ်ချုပ်ရေးအဖွဲ့ဥက္ကဌမှ ဦးဆောင်၍ ဦးထူးကျော် မြို့နယ်စီမံအုပ်ချုပ်ရေးအဖွဲ့ဥက္ကဌ၊ ဒေါက်တာနေခြည်ထွေး(တာဝန်ခံ) ခရိုင်မွေးမြူရေးနှင့် ကုသရေးဉီးစီးဌာန၊ ဦးထွေးအောင်(တာဝန်ခံ) ခရိုင်စိုက်ပျိုးရေးဦးစီးဌာန၊ ဒေါ်ခိုင်ရွှေ(မြို့နယ် တာဝန်ခံ) စားသုံးသူရေးရာဦးစီးဌာန၊ ဦးထွန်းထွန်းဝင်း(လက်ထောက်အုပ်ချုပ်ရေးမှူး) စည်ပင်သာယာအုပ်ချုပ်ရေးအဖွဲ့၊ ဦးကြည်ရွှေ(SAE) ရန်ကုန်လျှပ်စစ်ဓါတ်အားပေးရေးအဖွဲ့တို့ ပါဝင်သောအဖွဲ့ဖြင့် ကွင်းဆင်းစစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် မင်္ဂလာဒုံမြို့နယ်ရှိ ကုန်းတလပေါင်ကျေးရွာ ဦးမောင်မောင်ထူး၏ ဥစားကြက်မွေးမြူရေးခြံ၊ ရဲစုတောင်ရပ်ကွက်၊ ငရုပ်ဖိုလမ်း၊ ဦးစိုင်းဇော်ဇော်နှင့် ဦးလင်းအောင်တို့၏ ဥစားကြက်မွေးမြူရေးခြံသို့ ကွင်းဆင်းစစ်ဆေးရာ မွေးမြူထားသော ဥစားကြက်မ အကောင်ရေနှင့် တစ်ရက်လျှင် ဥဥနှုန်းမေးမြန်းပြီး ကြက်ဥတစ်လုံး၏ပျမ်းမျှ ကုန်ကျစရိတ်မှာလည်း ယခင်သုံးလခန့်က အစာစရိတ်နှင့်ယခုအစာစရိတ်မှာ မြှင့်တက်လျက်ရှိကြောင်း၊ ဥစားကြက်မွေးမြူရေးခြံများ၏ ကြက်ဥတစ်လုံးအတွက် ထုတ်လုပ်မှုအသားတင် ကုန်ကျစရိတ်တန်ဖိုးမှာ ယခုအချိန်တွင် ယခင်ထက်ပိုမိုများပြားလာကြောင်း စစ်ဆေးချက်အရ သိရှိရပါသည်။
DOCA(ရန်ကုန်)