ဟန်ဂေရီနိုင်ငံ၏ ဖော်ထုတ်ဖူးသမျှ အကြီးမားဆုံးသော တရားမဝင်စီးကရက် ထုတ်လုပ်လျက်ရှိသော ကွန်ရက်တစ်ခုအား နိုင်ငံ၏ အမျိုးသားအခွန်နှင့် အကောက်ခွန်စီမံခန့်ခွဲရေး (NAV) မှ ဖျက်သိမ်းလိုက်ပြီဖြစ်ကြောင်းသိရသည်။ မေလအတွင်း နေရာပေါင်း ၄၁ နေရာတွင် စီးနင်းဖမ်း ဆီးမှုများကြောင့် တန်ဖိုး ၂၄ ဘီလီယံ HUF (အမေရိကန်ဒေါ်လာ ၆၇ သန်းကျော်) ကိုသိမ်း ဆည်းရမိခဲ့ကြောင်း NAV က အင်္ဂါနေ့တွင်ထုတ်ပြန်ခဲ့သည်။ တန်ဖိုးအားဖြင့် ၂၁.၈ ဘီလီယံ HUF ရှိသော စီးကရက် ၁၃ သန်းထုတ်လုပ်နိုင်သည့်ပမာဏရှိသော ဆေးရွက်ကြီး ၁၅၆ တန်၊ တန်ဖိုးအားဖြင့် ၂.၅ ဘီလီယံ HUF ရှိသော စီးကရက်အတု ၁ သန်းကျော်၊ စီးကရက်ဘူးခွံအလွတ် ၄၈.၅ သန်း၊ စီးကရက်ထုတ်လုပ်မှု အပြည့်သုံးလိုင်း၊ စက်ယန္တရားများ၊ ဝန်ပင့်သည့်ယာဉ်များ၊ ထုတ်ပိုးပစ္စည်းများနှင့် radio jamming device များအား အာဏာပိုင်များက သိမ်းဆည်းခဲ့ကြောင်းသိရ သည်။ ထိုကုန်ပစ္စည်းများစျေးကွက်သို့ ဝင်လာပါက VAT တွင်ခန့်မှန်းခြေ HUF ၈၁ ဘီလီယံခန့် ဆုံးရှုံးသွားမည်ဖြစ်သည်။ ဖမ်းဆီးထိန်းသိမ်းထားသော သံသယရှိသူခြောက်ဦးတွင် ဟန်ဂေရီ နိုင်ငံသားတစ်ဦးနှင့် မော်လ်ဒိုဗန်-ရိုမေနီးယားနိုင်ငံ သားငါးဦးတို့ ပါဝင်ပြီး ၎င်းတို့အား အခွန်လိမ်လည်မှုဖြင့် တရားဝင်တရားစွဲဆိုထားကြောင်း နောက်ထပ်သံသယရှိသူ တစ်ဦးကိုလည်းဖမ်း ဝရမ်းထုတ်ထားဆဲဖြစ်ကြောင်း သိရှိရပါသည်။
Source : Xinhua
DOCA(ရန်ကုန်)