ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ပြည်တော်သာရပ်ကွက်၊ မူလွန်ကျောင်းရှေ့ရှိ ပျံကျလမ်းဈေးသည်များအား ကျောင်းသား/ကျောင်းသူများ ဘေးအန္တရာယ် ကင်းရှင်းစွာ သွားလာနိုင်စေရန်အတွက် ပူးပေါင်းအဖွဲ့ဖြင့် မေလ(၂၅)ရက်နေ့၊ နံနက် (၁၀:၃၀) နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရသည်။
ထိုသို့ ကွင်းဆင်းစစ်ဆေးရာတွင် မြို့နယ်အထွေထွေ အုပ်ချုပ်ရေးဦးစီးဌာနမှ ဝန်ထမ်းများ၊ မြို့နယ် မြို့မစခန်းမှ ရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ စည်ပင်သာယာရေး အဖွဲ့မှဝန်ထမ်းများ၊ စားသုံးသူရေးရာဦးစီးဌာနမှ မြို့နယ်တာဝန်ခံတို့ ပူးပေါင်း၍ ကျောင်းရှေ့ ပျံကျဈေးသည်များအား ဈေးရောင်းချရာတွင် သန့်သန့်ရှင်းရှင်း စနစ်တကျရောင်းချပေးရန်၊ လမ်းမဘေး၌သာ ရောင်းချမှသာ ကျောင်းဖွင့်ချိန်တွင် ကျောင်းသား/ကျောင်းသူများ ဘေးအန္တရာယ်ကင်းရှင်းစွာ သွားလာနိုင်မည်ဖြစ်ကြောင်း ပြောကြားခဲ့ပြီး ကွင်းဆင်းစစ်ဆေးခဲ့ ကြောင်း သိရှိရပါသည်။
DOCA(ရန်ကုန်)