မကွေးမြို့ပေါ်ရှိ စျေးများတွင် ဖြစ်ပေါ်နေသော စားဖိုဆောင်သုံး ကုန်စျေးနှုန်းများအခြေအနေ

         ဇူလိုင်လ ဒုတိယအပတ်တွင် မကွေးမြို့၊ မြို့မစျေးနှင့် ရန်ပယ်စျေးများ၌ ကြက်သွန်နီစျေးနှုန်းများ ကျဆင်းလာကြောင်း သိရသည်။ ဇွန်လ စတုတ္ထပတ်တွင် ကြက်သွန်နီ(၁)ပိဿာလျှင် (၂၀၀ဝိ/-) ကျပ်ဖြင့် အရောင်းအဝယ်ဖြစ်ရာမှ ဇူလိုင်လ ဒုတိယအပတ်တွင် ကြက်သွန်နီ အမျိုးအစားနှင့် အရည်အသွေး ပေါ်မူတည်ပြီး (၁)ပိဿာလျှင် (၁၆၀ဝိ/-) ကျပ်မှ (၁၈၀ဝိ/-) ကျပ်တို့ဖြင့် အရောင်းအဝယ်ဖြစ်လျှက်ရှိကြောင်း ဆိုင်ခန်းစျေးသည်များနှင့် ပျံကျစျေးသည်များထံမှ သိရသည်။

        အခြားစားဖိုဆောင်သုံး ကုန်စည်များအနေဖြင့် ငြုပ်သီးခြောက်ရည် (၁)ပိဿာလျှင်(၈၅၀ဝိ/-)ကျပ်၊ ငြုပ်သီးခြောက်ပု (၁)ပိဿာ လျှင်(၉၀၀ဝိ/-)ကျပ်၊ ကြက်သွန်ဖြူ(ဗမာ)(၁)ပိဿာလျှင်(၄၈၀ဝိ/-)ကျပ်၊ ကြက်သွန်ဖြူ(ရှမ်း) (၁)ပိဿာ လျှင်(၄၅၀ဝိ/-)၊ နနွင်းတက် တစ်ပိဿာလျှင် (၃၅၀ဝိ/-)ကျပ်၊ ဂျင်းတက် (၁)ပိဿာလျှင် (၁၁၀ဝိ/-)ကျပ်၊ မန်ကျီးသီးမှည့် (၁)ပိဿာလျှင်(၃၇၀ဝိ/-)ကျပ်၊ ကုလားပဲခြမ်း(၁)ပိဿာလျှင် (၄၃၀ဝိ/-)ကျပ်တို့ဖြင့် အရောင်းအဝယ် ဖြစ်လျှက်ရှိကြောင်း ပွဲရုံစျေးသည်တစ်ဦးထံမှ သိရပါသည်။ စားသုံးဆီများအနေဖြင့် စားအုန်းဆီ (၁)ပိဿာလျှင် (၆၀၀ဝိ/-)ကျပ် ပဲဆီ(၁)ပိဿာလျှင်(၉၅၀ဝိ/-)၊ နှမ်းဆီ (၁)ပိဿာလျှင် (၈၅၀ဝိ/-) ကျပ်တို့ဖြင့် အရောင်းအဝယ်ဖြစ်လျှက်ရှိကြောင်း ဆီလက်ကားစျေးဆိုင်များမှ သိရသည်။

DOCA(မကွေး)