စစ်ကိုင်းတိုင်းဒေသကြီး ၊ ကန့်ဘလူခရိုင်၊ ကျွန်းလှမြို့နယ်သည် လယ်ယာစိုက်ပျိုး ရေးလုပ်ငန်းများကို အဓိကလုပ်ကိုင်သော ဒေသတစ်ခုဖြစ်ကြောင်း ၊ စိုက်ပျိုးတောင်သူများသည် ပဲသီးနှံများလည်း စိုက်ပျိုးကြောင်း သိရသည်။
ကျွန်းလှမြို့နယ်တွင် ၂၀၂၅ ခုနှစ်၊ ဇွန်လ ပထမပတ်အတွင်း ကုလားပဲထိုင်ဝမ်(၁)တင်းလျှင် (၇၄၅၀၀)ကျပ် ၊ကုလားပဲ(929) (၁)တင်းလျှင်(၇၇၀၀၀)ကျပ်၊ ကုလားပဲ(V2)(၁)တင်းလျှင်(၇၉၀၀၀) ကျပ်နှင့် ကုလားပဲ(V7)(၁)တင်းလျှင်(၈၀၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ထောပတ်ပဲ တစ်တင်းလျှင် (၁၂၁၀၀၀)ကျပ်၊ အကွဲအနာပါ (၁)တင်းလျှင် (၁၂၀၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုပတ်အတွင်း ထောပတ်ပဲဈေးနှုန်းများ ကျဆင်းသွားကြောင်း၊ ပဲဇီးကွက်တစ်တင်းလျှင် (၉၇၀၀၀)ကျပ်၊ အကွဲအနာပါလျှင်(၉၆၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခင်ပတ် ဈေးနှုန်းများနှင့် နှိုင်းယှဉ်ပါက (၁)တင်းလျှင် (၆၀၀၀)ကျပ်ခန့် ဈေးနှုန်းကျဆင်းသွားကြောင်း၊ ဇွန်လ ပထမပတ်အတွင်း ပဲနီ(၁)တင်းလျှင် (၁၀၁၀၀၀)ကျပ်၊ အကွဲအနာပါ (၁)တင်းလျှင် (၁၀၀၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခင်ပတ်ဈေးနှုန်းများနှင့်နှိုင်းယှဉ်ပါက ယခုပတ်အတွင်း ပဲနီ(၁) တင်းလျှင် (၂၀၀၀၀) ကျပ်ခန့် ဈေးနှုန်းကျဆင်းသွားကြောင်း၊ ဇွန်လပထမပတ်အတွင်း ဈေးနှုန်းများမှာ ပဲလွန်းဖြူ တစ်တင်းလျှင် (၁၀၃၀၀၀) ကျပ်၊ အကွဲအနာပါ တစ်တင်းလျှင် (၁၀၂၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုပတ်အတွင်း ပဲလွန်းဖြူဈေးနှုန်း အနည်းငယ် မြင့်တက်လာကြောင်း၊ဇွန်လ ပထမပတ်အတွင်း ဈေးနှုန်းများမှာ မတ်ပဲရိုးရိုး တစ်တင်းလျှင် (၇၆၀၀၀)ကျပ်၊ မတ်ပဲမျက်ကွင်းဖြူ တစ်တင်းလျှင်(၈၀၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခင် အပတ်ဈေးနှုန်းများနှင့် နှိုင်းယှဉ်ပါက ယခုပတ်အတွင်း မတ်ပဲဈေးနှုန်းကျဆင်းသွားကြောင်း၊ မန္တလေးမြို့ရှိ ကုန်စည်ဒိုင်များနှင့် ပွဲရုံများသို့ တင်ပို့ကြောင်း ဒေသတွင်းပွဲရုံလုပ်ငန်းရှင်များထံမှ သိရသည်။
DOCA(စစ်ကိုင်း)