မွန်ပြည်နယ် မော်လမြိုင်မြို့နယ်အတွင်းမှ ထွက်ရှိသည့် ဝါးပိုးမျှစ်သည် ယခုနှစ် ရာသီစာ အစားအသောက်တစ်ခုအဖြစ် ဈေးကွက်ဝင်ရောက်လျက်သည်။ ထိုရာသီစာ မျှစ်ကို အစိမ်းသော်လည်းကောင်း၊ မျှစ်အပြုတ်သော်လည်းကောင်း၊ ပြုလုပ်ရောင်းချသည်ကို တွေ့ရှိရသည်။ မျှစ်နုများကို မော်လမြိုင်မြို့၊ ကျိုက်မရောမြို့၊ အနီးအနားရှိ ကျေးရွာများမှ တင်သွင်းပြီး မျှစ်နုအသေးများကို အစည်းငယ်များစည်းလျက် ရောင်းချလေ့ရှိပါသည်။ မျှစ်ဈေးနှုန်းများမှာ မျှစ်နု အသေးအပြုတ်(၅)ကျပ်သား (မျှစ်ချောင်း၄ ချောင်း၅ချောင်းပါ) တစ်စီးလျှင် ကျပ် ၃၀၀မှ ကျပ် ၅၀၀ခန့်ရှိသည်။ မျှစ်စိမ်း တစ်ပိဿာလျှင် ကျပ် ၆၀၀၀ မှ ၇၀၀၀ ဖြစ်သည်။ ကုန်စိမ်းဈေးများနှင့် ရပ်ကွက်ဈေးများတို့၌ ရောင်းချမှုများ၍ ဝယ်ယူစားသောက်မှုများသောကြောင့် မျှစ်ဈေးမှာ ဈေးကောင်း ရရှိနေကြောင်း သိရပါသည်။
ထိုမျှစ်ကို ကြော်စား၊ ချက်စား၊ မျှစ်ငါးပေါင်းထုပ်နှင့် ငပိတို့စရာအဖြစ် စားသောက်မှု ပုံစံအမျိုးမျိုးလုပ်၍ ကြိုက်နှစ်သက်စွာ စားသောက်ကြသည်။ မျှစ်တွင် ပရိုတင်း ကြွယ်ဝသလို ကယ်လိုရီပါဝင်မှု ကယ်လိုရီပါဝင်မှုနည်းပါးသဖြင့် မျှစ်စားသုံးခြင်းက ကျန်းမာရေး အကျိုးကျေးဇူးများ ရရှိစေနိုင်ပါသည်။ အမျှင်ဓါတ်ကြွယ်ဝတာကြောင့် အစာကြေစေနိုင်ပြီး ဝမ်းမှန်ကြောင်း သိရှိရပါသည်။
DOCA (မွန်)