ဂရိနိုင်ငံ၏ ခရီးသွားကဏ္ဍသည် ၂၀၂၅ ခုနှစ်တွင် ၎င်း၏ ခိုင်မာသော တိုးတက်မှုကို ဆက်လက်ထိန်းသိမ်းထားရန် မျှော်မှန်းထားပြီး နိုင်ငံတကာမှ ခရီးသွားဧည့်သည် လာရောက်မှု မှာ ၂၀၂၄ ခုနှစ်နှင့် နှိုင်းယှဉ်ပါက ၅ ရာခိုင်နှုန်း တိုးလာမည်ဟု နိုင်ငံပိုင် သတင်းအေဂျင်စီ AMNA က မေလ ၂၅ ရက်နေ့တွင် ဖော်ပြခဲ့သည်။ ဂရိအမျိုးသားဘဏ်မှထုတ်ဝေသောခန့်မှန်းချက်သည် ၂၀၂၅ ခုနှစ်၏ ပထမလေးလအတွင်း စောင့်ကြည့်လေ့လာထားသော လမ်းကြောင်းများနှင့် လာမည့်လများအတွက် ဟိုတယ်ကဏ္ဍတွင် ကြိုတင်ဘွတ်ကင်များ ခိုင်မာမှုအပေါ်အခြေခံထား ခြင်းဖြစ်သည်။ ဂရိနိုင်ငံသည် ၂၀၂၄ ခုနှစ်တွင် ခရီးသွား ၃၅.၉ သန်း လာရောက်လည်ပတ်ခဲ့ပြီး ဝင်ငွေ ယူရို ၂၁.၇ ဘီလီယံ (အမေရိ ကန်ဒေါ်လာ ၂၄.၇ ဘီလီယံ) ရရှိခဲ့သည်။ ဂရိဘဏ်၏ အချက် အလက်များအရ နိုင်ငံသို့လာရောက်သူ ၃၂.၇ သန်းနှင့် ခရီးသွားလုပ်ငန်းဝင်ငွေ ယူရို ၂၀.၆ ဘီလီယံ စံချိန်တင်ရရှိခဲ့သည့် ၂၀၂၃ ခုနှစ်ကထက် မြင့်တက်ခဲ့ကြောင်း သိရသည်။ ပထဝီနိုင်ငံရေး တင်းမာမှုများနှင့် စီးပွားရေးမသေချာ မရေရာမှုများအကြား ဂရိခရီးသွားလုပ်ငန်း သည် မကြာသေးမီနှစ်များအတွင်း ကပ်ရောဂါအကြိုအဆင့်ထက် ကျော်လွန်ကာ ကြံ့ကြံ့ခံနိုင် ရည်ရှိပြီး တသမတ်တည်းတိုးတက်မှုကို ပြသခဲ့ကြောင်း တာဝန်ရှိသူများ နှင့် စက်မှုလုပ်ငန်း ကျွမ်းကျင်သူများ၏ ပြောကြားချက်အရသိရသည်။ တိုက်ရိုက်နှင့် သွယ်ဝိုက် လေကြောင်း ဆက်သွယ်မှုနှစ်ခုစလုံးကို ချဲ့ထွင်ခြင်းသည် ဂရိ၏ ခရီးဝေးခရီးသွားဧည့်သည်များအတွက် ဆွဲဆောင်မှု ပိုမိုအားကောင်းလာစေရန် မျှော်လင့်ကြောင်း ကျွမ်းကျင်သူများက ပြောကြားခဲ့ သည်။ ခရီးသွားလုပ်ငန်းသည် ဂရိနိုင်ငံ၏ ပြည်တွင်းအသားတင်ထုတ်ကုန်အတွက် ခန့်မှန်းခြေ ၁၃ ရာခိုင်နှုန်းကို ပံ့ပိုးပေးခဲ့ကြောင်းသိရသည်။
Source : Xinhua
DOCA(ရန်ကုန်)