ဂျာမနီနိုင်ငံ၏ ရုန်းကန်နေရသော စီးပွားရေးသည် ၂၀၂၅ ခုနှစ် ပထမသုံးလပတ်တွင် မျှော်လင့်မထားသော စွမ်းဆောင်ရည်ကိုရရှိခဲ့ပြီး ယခင်သုံးလပတ်နှင့် နှိုင်းယှဉ်ပါက ၀.၄ ရာခိုင် နှုန်း မြင့်တက်ခဲ့ကြောင်း Federal Statistical Office (Dstatis) မှ ထုတ်ပြန်သော ကိန်း ဂဏန်း များအရသိရသည်။ တိုးတက်မှုကိန်းဂဏန်းသည် ရုံး၏ ကနဦးခန့်မှန်းချက် ၀.၂ ရာခိုင်နှုန်းထက် နှစ်ဆဖြစ်သည်။ သို့သော်လည်း GDP သည် ယခင်နှစ် အလားတူကာလနှင့် နှိုင်းယှဉ်ပါက ၀.၂ ရာခိုင်နှုန်း ကျဆင်းခဲ့သည်။ မတ်လတွင် အံ့အားသင့်ဖွယ်ကောင်းသော စီးပွားရေးစွမ်းဆောင်မှု ကြောင့် ပထမခန့်မှန်းထားသည်ထက် အနည်းငယ်တိုးတက်မှုနှုန်း မြင့်တက်ခဲ့သည် ဟု စာရင်း အင်းရုံးဥက္ကဋ္ဌ Ruth Brand က ပြော ကြားခဲ့သည်။ "အထူးသဖြင့်၊ ကုန်ထုတ်လုပ်မှုနှင့် ပို့ကုန်များတွင် ထုတ်လုပ်မှုသည် အစောပိုင်း မျှော်မှန်းချက်ထက် ကျော်လွန်နေခဲ့ကြောင်း ၎င်း၏ ပြောကြားချက်အရသိရသည်။ ပထမသုံးလပတ် အတွင်း နိုင်ငံခြား ကုန်သွယ်မှု သိသိသာသာ တိုးလာကြောင်း ရုံးက သတင်းထုတ်ပြန်ခဲ့သည်။ ထုတ် လုပ်သူများသည် အလားအလာရှိသော US အခွန်အကောက်များမတိုင်မီ တင်ပို့မှုများကို အရှိန်မြှင့် လာသော ကြောင့် ထုတ်လုပ်သူများ အထူးသဖြင့် မော်တော်ယာဥ်နှင့် ဆေးဝါးကဏ္ဍများတွင် ထုတ်လုပ်မှုနှင့် ပို့ကုန်များ သိသိသာသာ တိုးတက်မှုကို မြင်တွေ့ခဲ့ရသည်။
Source : Xinhua
DOCA(ရန်ကုန်)