ပြည်မြို့၏ ဟင်းသီးဟင်းရွက်သစ်သီးဝလံဈေးကွက်တွင် ယခုလိုမိုးဦးရာသီတွင်သာ ထွက်ပေါ်သော ရာသီစာတစ်မျိုးဖြစ်သည့် အင်ဥများ မေလနောက်ဆုံးပတ်ကစ၍ ပြည်ဈေးကွက်အတွင်း စတင်ရောင်းချမှုများ ရှိလာပါသည်။ အင်ဥသည့် အင်ပင်မှ ကြွေကျထားသော အရွက်များ အောက်တွင်ပေါက်ရောက်သော ဥတစ်မျိုးဖြစ်လို့ အင်ဥဟုခေါ်ဆိုခြင်း ဖြစ်ပါသည်။ တချို့ဒေသ များတွင် မှိုဥ၊ မှိုလုံးဟုခေါ်ဆိုကြပြီး မိုးဥကျရာသီ အင်ပင်တွေရှိအောက်မြေကြီး အက်ကွဲနေသော နေရာများတွင် ဓါး/ဝါးချွန်များဖြင့် ယက်၍ ရှာဖွေကြရပါသည်။ ပြည်ဒေသတဝိုက် မှာတော့ ပေါက်ခေါင်း၊ သဲကုန်း၊ ပြည်အနီးတဝိုက်နှင့် ပြင်ပင်ကိုင်း၊ ဇလုပ်မရွာ၊ သဇင်လှကျေးရွာ များတွင်ရှိသော အင်ဥများကို ပြည်မြို့ဈေးများသို့ ဝင်ရောက်ရောင်းချကြပါသည်။ ပေါ်ဦးပေါ်ဖျားဖြစ်သဖြင့် ဈေးနှုန်းမှာ နို့စည်ဘူး တစ်ဘူးလျှင် (၇၀၀၀)ကျပ်ဖြင့် အင်ဥ ကြိုက်သူများက ဈေးကောင်းပေးဝယ်ယူစားသုံးကြပါသည်။ အင်ဥထွက်ရှိမှုများလာချိန်မှာတော့ နို့ဆီဘူး တစ်ဘူးလျှင် (၃၀၀၀-၄၀၀၀)ကျပ်ဖြင့် ရောင်းဝယ်နေကြသည်ဟုသိရပါသည်။ အင်ဥသည် ရာသီစာ အစားအစာဖြစ်သည့်အတွက် အရောင်းအဝယ်ဖြစ်ကြောင်း သိရှိရပါသည်။