ပြင်ဦးလွင်ခရိုင်စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ ၂၀၂၅ခုနှစ်၊ မေလ(၂၆)ရက်နေ့တွင် ပြင်ဦးလွင်ခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Center ခန်းမ၌ အွန်လိုင်းမှတစ်ဆင့်ဝယ်ယူခြင်းနှင့် စပ်လျဉ်း၍ သိကောင်းစရာများ(Talk Show)ကိုကျင်းပခဲ့ပါသည်။ အဆိုပါဆွေးနွေးပွဲတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဒေါ်ခင်နှင်းဆီ (ဦးစီးအရာရှိ)က အသိပညာပေး Talk Show ဆွေးနွေးပွဲကျင်းပရခြင်း၏ ရည်ရွယ်ချက်များအား ပြောကြားခဲ့ပါသည်။ ပြင်ဦးလွင် ခရိုင်စားသုံးသူရေးရာဦးစီးဌာနမှ ဦးထွန်းထွန်းနိုင်(ဒု-ဦးစီးမှူး)ကပြောကြားရာတွင် စားသုံးသူ အခွင့် အရေးနှင့်တာဝန် များလက်ရှိဆောင်ရွက်နေမှုအခြေအနေများ၊ စားသုံးသူနစ်နာ ဆုံးရှုံးမှုဖြစ်လျှင် တိုင်ကြားနိုင်သောနည်းလမ်းများ၊ နေပြည်တော်ကောင်စီနယ်မြေအပါအဝင်၊တိုင်းဒေသကြီး၊ ပြည်နယ်၊ ခရိုင်ရုံးများတွင် စားသုံးသူသတင်းပြန်ကြားရေးနှင့်တိုင်ကြားမှု လက်ခံဆောင်ရွက်ရေးစင်တာ (CICC)ရုံးများ ဖွင့်လှစ်ဆောင်ရွက်လျက်ရှိကြောင်း၊ ဆက်လက်ပြီး Call Center နံပါတ်ဖြစ်သည့် (1535)သို့လည်း တိုင်ကြားနိုင်ကြောင်း ဆွေးနွေးပြောကြားခဲ့သည်ဟု သတင်းရရှိပါသည်။
DOCA(ရန်ကုန်)