ကယားပြည်နယ်၊ လွိုင်ကော်မြို့ သီရိမင်္ဂလာဈေးအတွင်းသို့ အထူးစုံစမ်းစစ်ဆေးရေးဦးစီးဌာန၊ ဗဟိုစာရင်းအင်းအဖွဲ့၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ၂၀၂၅ ခုနှစ်၊ ဇွန်လ(၁၃)ရက်နေ့၊ နံနက်ပိုင်းတွင် အခြေခံစားသောက်ကုန်များဈေးနှုန်း မြှင့်တင်ရောင်းချမှုများ မရှိစေရန် ကွင်းဆင်းစစ်ဆေးပြီး အခြေခံစားကုန်ဈေးနှုန်းစာရင်း ကောက်ယူမှုများပြုလုပ်ခဲ့ပါသည်။
ထိုသို့ကွင်းဆင်းကောက်ယူခဲ့ရာ လွိုင်ကော်မြို့တွင်ဖြစ်ပေါ်နေသော ဆန်ဈေးနှုန်းများမှာ ငစိန်ဆန် (၁)ပြည်လျှင်(၄၀၀၀)ကျပ်၊ (၁)အိတ်လျှင်(၉၀၀၀၀)ကျပ်၊ ဧည့်မထ(မနောသုခ)ဆန် (၁)ပြည် လျှင် (၄၀၀၀)ကျပ်၊ (၁)အိတ်လျှင်(၈၇၀၀၀)ကျပ်၊ ပေါ်ဆန်းမွှေးဆန်(ရွှေဘို) (၁)ပြည်(၈၀၀၀)၊ (၁)အိတ် လျှင် (၁၈၅၀၀၀)ကျပ်၊ ပေါ်ဆန်းမွှေးဆန်(ဧရာ) (၁)ပြည်လျှင်(၅၅၀၀)ကျပ်၊ (၁)အိတ်လျှင် (၁၂၅၀၀၀) ကျပ်၊ ရွှေရင်အေးဆန် (၁)ပြည်လျှင်(၅၅၀၀)ကျပ်၊ (၁)အိတ်လျှင်(၁၃၀၀၀၀)ကျပ်ခန့်ရှိကြောင်း ယခင်တစ်ပတ်ဈေးနှုန်းနှင့်နှိုင်းယှဉ်ကြည့်လျှင် ဆန်ဈေးနှုန်းများတည်ငြိမ်လျက်ရှိကြောင်း ဆန်ရောင်းချသူများထံမှ သိရှိရပါသည်။
အခြေခံစားသောက်ကုန်များဖြစ်သော (အသား၊ ငါး)များအား အဆမတန်ဈေးနှုန်းမြင့်တင် ရောင်းချခြင်းများ မပြုလုပ်ရန်၊ စည်ပင်သတ်မှတ်ဈေးနှုန်းနှင့် အမှန်တကယ် စားသုံးသူထံ ရောင်းချသောဈေးနှုန်းများ ကိုက်ညီမှုရှိစေရန် စသည်တို့အား ကွင်းဆင်းစစ်ဆေးမှုများ ပြုလုပ်ခဲ့ကြောင်း တင်ပြအပ်ပါသည်။
DOCA(ကယား)