“ ဓာတ်မြေဩဇာဖြန့်ဖြူးရောင်းချလျက်ရှိသောဆိုင်များသို့သတ်မှတ်ရည်ညွှန်းဈေးနှုန်းအတိုင်း ရောင်းချမှုရှိ/ မရှိ ကွင်းဆင်းစစ်ဆေးခြင်း”

          ဓာတ်မြေဩဇာ ဖြန့်ဖြူးရောင်းချလျက်ရှိသော ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်းရှိ ဓာတ်မြေဩဇာ၊ မျိုးစေ့နှင့် စိုက်ပျိုးရေး အရောင်းဆိုင်များသို့ ဇွန်လ(၁၂)ရက်နေ့၊ နံနက်(၁၀:၀၀) နာရီအချိန်တွင် ပူးပေါင်းအဖွဲ့ဖြင့်  ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးခဲ့ရာတွင် ယူရီးယားမြေဩဇာ ဝယ်ယူဖြန့်ဖြူးရောင်းချ ဦးဆောင်ကော်မတီ ကြီးကြပ်မှုဖြင့် မြန်မာနိုင်ငံ မြေဩဇာ၊ မျိုးစေ့နှင့် စိုက်ပျိုးရေးဆေး လုပ်ငန်း ရှင်များအသင်းအနေဖြင့် တောင်သူများ အဓိကသုံးစွဲလျက်ရှိသော မြေဩဇာ(၃)မျိုးအား ရည်ညွှန်းဈေးများကို သတ်မှတ်ထားပြီး ရန်ကုန်အထိုင် လက်ကားဈေးနှုန်းများဖြစ်သည့် ဒေသ အလိုက် သယ်ယူပို့ဆောင်စရိတ်များ အပေါ်တွင် မူတည်၍ ဈေးကွက်အတွင်း ပြန်လည်ဖြန့်ဖြူးရောင်းချခြင်းရှိ/ မရှိ ကော့မှူးမြို့နယ် စီမံအုပ်ချုပ်ရေးအဖွဲ့ အတွင်းရေးမှူးနှင့် မြို့နယ်အထွေထွေ အုပ်ချုပ်ရေးဦးစီးဌာန အဖွဲ့ဝင်များ၊ မြို့နယ်စိုက်ပျိုးရေးဦးစီးဌာန၊ မြို့နယ် သမဝါယမဦးစီးဌာန၊ စားသုံးသူရေးရာဦးစီးဌာနမှ တာဝန်ရှိသူများ ပါဝင်သော ပူးပေါင်းအဖွဲ့သည် စည်ပင်လမ်း မကျီးကန်းရပ်ကွက်ရှိ ဓာတ်မြေဩဇာ၊ မျိုးစေ့နှင့် စိုက်ပျိုးဆေး အရောင်းဆိုင်များ ဖြစ်သော ဓနအောင်ဆိုင်နှင့် မြင့်မိုရ်ဆိုင်တို့တွင် ဖြန့်ဖြူးရောင်းချလျက်ရှိသော ယူရီးယား မြေဩဇာ (အလုံးကြီး) ၅၀ကီလို၊ Rock Phosphate အခြေခံ (၁၅)ပတ်လည် ၅၀ကီလို၊ DI Ammonium Phosphate အခြေခံ (၁၅)ပတ်လည် ၅၀ကီလို ဓာတ်မြေဩဇာ အမျိုးအစားများအား သတ်မှတ်ရည်ညွှန်းဈေးအတိုင်း ပြန်လည်ဖြန့်ဖြူးရောင်းချပေးကြရန်နှင့် ဈေးကစားရန် ဈေးနှုန်းမြှင့်တက်စေရန် ရည်ရွယ်ချက်ဖြင့် သိုလှောင်ထားခြင်းများ မရှိစေရေး အသိပညာပေး ပြောကြားခဲ့ပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)