ပြည်ခရိုင်၊ ပြည်မြို့တွင် ပဲမျိုးစုံရောင်းဝယ်လျှက်ရှိရာ အဓိကအရောင်းအဝယ်ဖြစ်သော ပဲများမှာ မြေပဲ၊ ပဲနီလေး ၊ စားတော်ပဲ၊ မတ်ပဲ၊ ပဲစင်းငုံ၊ ကုလားပဲ၊ ပဲလွန်းဖြူ၊ ပဲပုတ်၊ ပဲတီစိမ်းနှင့် ထောပတ်ပဲတို့ဖြစ်ပါသည်။
ထိုပဲများမှာ ပြည်ဈေးကွက်တွင် အရောင်းအဝယ်ဖြစ်လျှက်ရှိသော ဈေးနှုန်းအနေဖြင့် အရောင်းအဝယ်ဖြစ်ရင်ဖြစ်သလို ဈေးနှုန်းအတက်အကျရှိကြောင်း သိရပါသည်။ ယခုဇွန်လ ဒုတိယပတ်တွင် မြေပဲဆန် ဆီဆန်(အဖြူ) တစ်ပိဿာလျှင် ၈၅၀၀ကျပ်၊ (အနီ)တစ်ပိဿာလျှင် ၈၄၀၀ကျပ်၊ မြေပဲဆန်ရွေးဆန်(အဖြူ) တစ်ပိဿာလျှင် ၉၀၀၀ကျပ်(အနီ)တစ်ပိဿာလျှင် ၈၈၀၀ကျပ်၊ လုံးဆန်(အဖြူ)တစ်ပိဿာလျှင် ၉၆၀၀ကျပ်၊ (အနီ) တစ်ပိဿာလျှင် ၉၃၀၀ကျပ်၊ စားတော်ပဲ ပိဿာ(၂၀)တစ်တင်းလျှင် ၁၆၀၀၀၀ကျပ်၊ မတ်ပဲတစ်တင်းလျှင် ၉၅၅၀၀-၉၆၀၀၀ကျပ်၊ ပဲစင်းငုံတစ်တင်းလျှင် ၈၆၀၀၀-၈၇၀၀၀ကျပ်၊ ကုလားပဲခွဲခြမ်းတစ်ပိဿာလျှင် ၆၅၀၀-၇၂၀၀ကျပ်၊ ကုလားပဲအလုံး(ဟော်လန်)တစ်တင်းလျှင် ၉၀၀၀၀-၉၁၀၀၀ကျပ်၊ (မြကြေးမှုံ)တစ်တင်းလျှင် ၉၅၀၀၀ကျပ်၊ ပဲကြီး(ရွှေကျွန်း)တစ်တင်းလျှင် ၉၅၀၀၀ကျပ်၊ (ကုန်းပဲ)တစ်တင်းလျှင် ၈၅၀၀၀ ကျပ်ဖြင့် ပြည်မြို့ရှိဈေးကွက်များနှင့် ပွဲရုံများတွင် အရောင်းအဝယ်ဖြစ်လျှက်ရှိပါသည်။
မြေပဲဆန်ကိုဒေသအတွင်း ဆီစက်သမားများနှင့် ပဲကြော်ဖိုသမားများက ဝယ်ယူမှုရှိသလို မန္တလေးနှင့်ရန်ကုန်ဝယ်လက်များက ဝယ်ယူမှုရှိ၍ တစ်နေ့လျှင် ပစ္စည်းလက်ကျန်ရှိရင်ရှိသလို အရောင်းအဝယ်မှာ အိတ် ၅၀/၁၀၀အတွင်းအရောင်းအဝယ်ဖြစ်လျှက်ရှိပါသည်။ အခြားပဲများ ဖြစ်သော ကုလားပဲကို ပဲခွဲစက်သမားများကအဝယ်ရှိခြင်း၊ ကုလားပဲခွဲခြမ်းကို လက်လီအရောင်း ဆိုင်များမှ ဝယ်ယူမှုရှိခြင်း၊ ပဲကြီးကို မြို့တွင်း လက်လီသမားများမှ အဝယ်ရှိခြင်း တို့ကြောင့် တစ်နေ့လျှင် အိတ် ၂၀၀/၃၀၀ခန့် အရောင်းအဝယ်ဖြစ်လျှက်ရှိပါသည်။ ထိုအပြင် မတ်ပဲနှင့် ပဲတီစိမ်းကို ရန်ကုန်နှင့် မန္တလေးဝယ်လက်များက ဝယ်ယူမှုရှိ၍ အရောင်းအဝယ်ဖြစ်လျှက်ရှိပါသည်။
DOCA(ပဲခူး)