မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တွင် မေလဆန်းမှစတင်ကာ မိုများရွာသွန်းခဲ့၍ တောင်သူများအနေဖြင့် မိုးနှမ်းများစတင်စိုက်ပျိုးခဲ့ပြီး ယခုအချိန်တွင် ရိတ်သိမ်းလျက်ရှိကြောင်း သိရှိရပါသည်။
၂၀၂၁ ခုနှစ်တွင် မိုးရွာသွန်းမှုအနေဖြင့် ဇွန်လမှာ မိုးစတင်ရွာသွန်းခဲ့ပြီး ယခုနှစ်တွင် မေလဆန်းမှစ၍ မိုးများစတင်ရွာသွန်းခဲ့သည့်အတွက် တောင်သူများအနေဖြင့် မေလကုန်အတွင်း နှမ်းများကြဲပတ်စိုက်ပျိုးနိုင်ခဲ့ကြောင်း၊ တောင်သူအများစုမှာ စမုံနက်(ခေါ်) နှမ်းနက်၊ နှမ်းအဖြူများဖြစ်သည့် ခြုံကျော်၊ ရင်မနိုင်၊ ဇုန်တက်မျိုးများနှင့် နှမ်းအနီမျိုးများဖြစ်သည့် ခွေးလေးနီ စသည့် ရက်ပေါင်း (၆၀) နှမ်းမျိုးများကို စိုက်ပျိုးကြကြောင်း၊ ယခုစတင်ရိတ်သိမ်းနေသောမျိုးမှာ ရက်ပေါင်း း(၆၀) မျိုးဖြစ်ပါကြောင်း၊ အထွက်နှုန်းအနေဖြင့် မိုးဦးမိုးမှာ မေလကုန်အထိသာ ရွာသွန်းပြီး ဇွန်လနှင့် ဇူလိုင်လမှာ မိုးရွာသွန်းမှုနည်းပါးသည့်အတွက် ခန့်မှန်းသလောက်ရမည်မထင်ပါကြောင်း၊ ယခု လတ်တလောဈေးနှုန်းမှာ စမုံနက် (၁) တင်း း(၇၄၀၀ဝိ/)၊ နှမ်းနီ (၁) တင်း(၆၀၀၀ဝိ/)၊ နှမ်းပြာ (၁) တင်း (၆၀၀၀ဝိ/)နှင့် နှမ်းဖြူ (၁) တင်း (၇၀၀၀ဝိ/) ဈေးရှိပါကြောင်း၊ ရွာမနားကျေးရွာမှ တောင်သူ ဦးစိန်မောက်ထံမှ သိရှိရပါသည်။
တောင်တွင်းကြီးမြို့နယ်တွင် မိုးနှမ်းစိုက်ပျိုးရန် လျာထားဧက (၉၉၃၉၅) ဧကရှိပြီး (၁၀၆၂၀၃) ဧကစိုက်ပျိုးနိုင်ခဲ့၍ လျာထားချက်ထက် (၆၈၀၈) ဧက ကျော်လွန်စိုက်ပျိုးနိုင်ခဲ့ကြောင်း သတင်းရရှိပါသည်။
DOCA(မကွေး)