စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင် ၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီကို ဖွဲ့စည်းပြီး ပြည်ပမှတင်သွင်းလာသည့် စားသုံးဆီများ သတ်မှတ်အရည်အသွေး ၊ စံချိန်စံညွှန်းများနှင့်ပြည့်မှီစေရေး၊ စားသုံးသူပြည်သူများ ကျန်းမာရေးနှင့်ညီညွှတ်သော စားသုံးဆီများကို သုံးစွဲနိုင်ရေး၊ စျေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး ၊ စားအုန်းဆီ ကမ္ဘာ့စျေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် စျေးနှုန်းများဖြစ်ပေါ် စေရေး ထိန်းကျောင်းဆောင်ရွက်လျက်ရှိရာ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးနှင့် မကွေးခရိုင်၊ ချောက်ခရိုင်ဦးစီးမှူးတို့၏လမ်းညွှန်မှုဖြင့် (၂.၈.၂၀၂၂)ရက်နေ့တွင် ချောက်မြို့ လမ်းမတော်ရှိ ဦးရဲမြင့် (ပခုက္ကူသား ဆီ/ဆန်/ဆား ရောင်းဝယ်ရေး)သည် ပြည့်ဖြိုးအောင်ကုမ္ပဏီမှ ဝယ်ယူရရှိသောစားအုန်းဆီများကို (၁)ပိဿာလျှင် (၆၃၀ဝိ/-)နှုန်းဖြင့် လူတစ်ဦး(၁)ပိဿာဖြင့် ရောင်းချပေးနေမှုအား စားသုံးသူရေးရာဦးစီးဌာန၊ ချောက်မြို့နယ်တာဝန်ခံ ဒေါ်မြတ်မြတ်မိုးနှင့် ဒေါ်ချိုဝေလွင်(ဒု-ဦးစီးမှူး)တို့မှ ကွင်းဆင်းကြီးကြပ်ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးကြီးကြပ်ဆောင်ရွက်ရာ၌ ဦးရဲမြင့်မှ၎င်းဝယ်ယူရရှိခဲ့သော စားအုန်းဆီ (၅၀)ပေပါ (၅၅၀၀)ပိဿာအား (၂.၈.၂၀၂၂)ရက်နေ့မှ စတင်ပြီး နေ့စဉ် စားသုံးသူပြည်သူများ သက်သာအဆင်ပြေစေရေးအတွက်(၂%)သာအမြတ်အစွန်းယူပြီး ရောင်းချပေးခြင်းဖြစ်ကြောင်း သိရှိရပြီး ဌာနမှစားသုံးသူပြည်သူများ ဈေးနှုန်းသက်သာစွာဝယ်ယူစားသုံးနိုင်ရေး ရန်ကုန်ရှိကုမ္ပဏီများနှင့် ချိတ်ဆက်ဝယ်ယူနိုင်မှုအပေါ် အသိအမှတ်ပြုပါကြောင်း၊ ချောက်မြို့နယ် စားသုံးသူပြည်သူများကိုယ်စား ကျေးဇူးတင်ရှိပါကြောင်း၊ နေ့စဉ် ရောင်းချမှုစာရင်းများအားလည်းပြုစုပေးပါရန်နှင့် အတ္တပရမျှတစွာ ဆောင်ရွက်ခြင်းဖြင့် လုပ်ငန်းရှင်အနေဖြင့် တိုးတက်အောင်မြင်မှုများရရှိပါစေကြောင်း ဆုမွန်ကောင်းတောင်းပေးခဲ့ပါသည်။
DOCA(မကွေး)