စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့ပေါ်ရှိ တာဟန်းဈေးဟု လူသိများကြသည့် ချင်းတိုင်းရင်းသား အများစု ဈေးရောင်းချလျက်ရှိသော ရိုးရာအစားအစာများ၊ သစ်သီးဝလံများ၊ စားဖိုဆောင်သီးနှံများ၊ ကုန်ခြောက်များ၊ အဝတ်အထည်များ၊ လူသုံးကုန်ပစ္စည်းများလည်း စုံလင်စွာ ရောင်းချနေသည်ဟု သိရှိရပါသည်။
ကလေးမြို့ပေါ်ရှိ ဈေးများအနက် တောဝက်သားခြောက်၊ ဆတ်သားခြောက်များ၊ ဂျီသားခြောက်များ၊ မျောက်သားခြောက်များ စသည်ဖြင့် တောကောင်သားများရရှိသည့် ဈေးဟုဆိုရာတွင် တာဟန်းဈေးကိုသာ ပြေးမြင်ကြရပါသည်။ တာဟန်းဈေးအတွင်း ရောင်းချနေသည့် အသားခြောက်ဈေးနှုန်းများအနေဖြင့် ဆတ်သားခြောက် ( ၁ ) ပိဿာလျင် ( ၉၀၀၀၀ ) ကျပ်၊ ဂျီသား ခြောက် ( ၁ ) ပိဿာလျင် ( ၉၀၀၀၀ ) ကျပ်၊ တောဝက်သားခြောက် ( ၁ ) ပိဿာလျင် ( ၈၀၀၀၀ ) ကျပ်၊ မျောက်သားခြောက် ( ၁ ) ပိဿာလျင် ( ၉၀၀၀၀ )ကျပ် ပေါက်ဈေးနှုန်းများဖြင့် ရောင်းဝယ် ဖောက်ကားလျက်ရှိပါကြောင်း ဈေးကွက်အတွင်းမှ စုံစမ်းသိရှိရပါသည်။
DOCA(စစ်ကိုင်း)