မှော်ဘီမြို့နယ်ရှိ ဥစားကြက်မွေးမြူရေးခြံသို့ ကွင်းဆင်းစစ်ဆေးခြင်း

မှော်ဘီခရိုင်၊ မှော်ဘီမြို့နယ်၊ အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးစိုးနိုင်ဉီးဆောင်၍ (၃.၇.၂၀၂၅)ရက်နေ့ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဒေါ်ဖြူဖြူမြင့်၊ ဒုကြီးကြပ်ရေးမှူး၊ အကောက်ခွန်ဦးစီးဌာန၊ လျှပ်စစ်နှင့်ဓါတ်အားပေးရေးအဖွဲ့၊ မြို့နယ်စည်ပင်သာယာရေးကော်မတီ၊ မွေးမြူရေးနှင့်ကုသရေးဦးစီးဌာနတို့သည် မှော်ဘီမြို့နယ်ရှိ ဥစားကြက်မွေးမြူရေး (၃)ခြံသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ချောကုန်း(၁)ရှိ CRYSTAL DRAMANT ဥစားကြက်မွေးမြူရေး ခြံ၊ ဝါးနက်ချောင်းကျေးရွာရှိ Feed Maf ဥစားကြက်မွေးမြူရေးနှင့် ညောင်နှစ်ပင်ရှိ ရွှေစံပယ်ဥစား ကြက်မွေးမြူရေးခြံသို့ သွားရောက်ပြီး ပိုင်ရှင်များနှင့်တွေ့ဆုံ၍ ကြက်ခြံတစ်ခြံတွင် မဒန်းကြက် အကောင်ရေ၊ ဥစားကြက်အကောင်ရေ၊ တစ်ရက်ဥနှုန်း၊ ကြက်အစာနှင့်ဆေးအသုံးတန်ဖိုးများ မေးမြန်းခဲ့ပြီး ကြက်ဥများကို မှော်ဘီမြို့နယ်နှင့်ရွှေပြည်သာမြို့နယ်ရှိ ကြက်ဥဒိုင်များသို့ (၁)ပိဿာ လျှင် (၉၀၀၀)ကျပ်နှုန်းဖြင့် ရောင်းချလျက်ရှိကြောင်း သိရှိရပါသည်။ DOCA (ရန်ကုန်)