ဧရာဝတီတိုင်းဒေသကြီး၊ မအူပင်မြို့နယ်တွင် ကျေးရွာအုပ်စု (၇၆)အုပ်စုရှိပြီး၊ ယခုအခါ မိုးစပါးစိုက်ပျိုးပြီးစီးချိန်ဖြစ်ပါသည်။ နွေစပါး၊ မိုးစပါးများ လက်ကျန်လျော့နည်းချိန်ဖြစ်၍ မိုးစပါး ဧည့်မထစပါး တင်း(၁၀၀) လျှင် ၁၀သိန်းခန့်၊ နွေစပါးသီးထပ်ရင် စပါးတင်း (၁၀၀)လျှင် ၉၅၀၀၀၀/-ခန့်နှင့် ပေါ်ဆန်းစပါးတင်း (၁၀၀)လျှင် ၁၃၅၀၀၀၀/-ကျပ်ခန့်နှင့် နွေသီးထပ်ရင် ဆန်တစ်အိတ်လျှင် ၃၃၀၀၀/-၊ မိုးမနောသုခဆန် တစ်အိတ်လျှင် ၃၃၅၀၀၀/-ကျပ်၊ ပေါ်ဆန်း ဆန်တစ်အိတ်လျှင် ၅၅၀၀၀/-ဖြင့် ဈေးကွက်ရရှိနေကြောင်း ထိန်ထိန်လင်း ဆန်စက်ပိုင်ရှင်၏ ပြောပြချက်အရ သိရှိရပါသည်။
နွေစပါး ဆန်တစ်အိတ်လျှင် ၃၃၀၀၀/-ကျပ်ဖြင့် ရန်ကုန်ဘုရင့်နောင်ဈေးကွက်မှ ဝယ်လိုအားရှိနေကြောင်း(၈.၈.၂၀၂၂) ရက်နေ့တွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးအောင်ဇော်ဦး၏ ကွင်းဆင်းလေ့လာမှုတွင် ဆန်စက်ပိုင်ရှင်၏ တင်ပြလာမှုအပေါ် မြို့နယ်တာဝန်ခံ ဦးအောင်ဇော်ဦးမှ ဆန်စက်အရည်အသွေးမြှင့်တင်နိုင်မှု၊ ဆန်အရည်အသွေး ကောင်းမွန်အောင် ဆောင်ရွက်နိုင်မှု နည်းလမ်းများ၊ တောင်သူများ အသိပညာပေးနိုင်မှု အလားအလာကောင်းများ၊ ထုတ်ကုန်လုံခြုံစိတ်ချရမှုရှိစေရေးတို့အတွက်ပါ ဆွေးနွေးခဲ့ကြောင်း သတင်းရရှိ ပါသည်။
DOCA(ဧရာဝတီ)