တောင်ငူခရိုင် ရေတာရှည်မြို့တွင် အငြိမ်းစားဝန်ထမ်းများအား စားသုံးဆီနှင့်ကြက်ဥများကိုသက်သောသောဈေးနှုန်းဖြင့်ရောင်းချပေး

တောင်ငူခရိုင် ရေတာရှည်မြို့နယ်တွင် အငြိမ်းစားဝန်ထမ်းများ အခြေခံစားကုန်များကို သင့်တင့်သောဈေးနှုန်းဖြင့် ဝယ်ယူရရှိနိုင်ရန်အတွက် (၁၀.၇.၂၀၂၅) ရက်နေ့ နံနက်ပိုင်းက ရေတာရှည် မြို့ မြန်မာ့စီးပွားရေးဘဏ်တွင် အငြိမ်းစားလစာ လာရောက်ထုတ်ယူသည့် အငြိမ်းစားဝန်ထမ်းများ အား ရေတာရှည်မြို့နယ် ဆီကုန်သည်နှင့်ဆီလုပ်ငန်းရှင်များက စားသုံးဆီများကိုလည်းကောင်း၊ ကြက်မွေးမြူရေး လုပ်ငန်းရှင်များက ကြက်ဥများကိုလည်းကောင်း သင့်တင့်သောဈေးနှုန်းဖြင့် ရောင်းချပေးခဲ့ပါသည်။ စားသုံးဆီ ၅၀ ကျပ်သားတစ်ဗူးလျှင် ၃၅၀၀ ကျပ်၊ ကြက်ဥတစ်လုံးလျှင် ၄၀၀ ကျပ်နှုန်း ဖြင့် အငြိမ်းစားဝန်ထမ်းတစ်ဦးလျှင် ဆီ ၅၀ ကျပ်သား တစ်ဘူးနှင့် ကြက်ဥ ၁၀ လုံးကို မြန်မာ့စီးပွားရေး ဘဏ်ရှေ့တွင် မော်တော်ယာဉ်ဖြင့် ရောင်းချပေးလျှက်ရှိရာ အငြိမ်းစားဝန်ထမ်း ၂၅၀ ဦးကို ရောင်းချ ပေးနိုင်ခဲ့ပါသည်။ စားသုံးဆီနှင့် ကြက်ဥများရောင်းချရာသို့ စားသုံးသူရေးရာဦးစီးဌာန မြို့နယ်တာဝန်ခံ ဦးဇော်ဇော်ထွေးသည် မြို့နယ်အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင် သာယာရေး အဖွဲ့တို့မှ တာဝန်ရှိသူများနှင့်အတူ ကြီးကြပ်၍ လိုအပ်သည်များကို ကူညီဆောင်ရွက်ပေးကြောင်း သိရပါ သည်။ DOCA(ပဲခူး)