ဘိုကလေးမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းတို့သည် အထွေ ထွေအုပ်ချုပ်ရေးဦးစီးဌာနနှင့် အသေးစား စက်မှုလက်မှုလုပ်ငန်းဦးစီးဌာနတို့နှင့် ပူးပေါင်း၍ ၂၀၂၆ခု နှစ် ဩဂုတ်လ(၁၉)ရက်နေ့၊ နံနက် (၁၀:၀၀)နာရီတွင် မြို့မ (၁)ရပ်ကွက် ဒုတိယလမ်းရှိ Top One သုံးဒေါင့်မုန့်လုပ်ငန်းသို့ ကွင်းဆင်းစိစစ်ခဲ့ကြပါသည်။
Top Oneသုံးဒေါင့်မုန့်လုပ်ငန်းမှ ထွက်ရှိသော ကုန်စည်၏ ပါဝင်ပစ္စည်းများမှာ သကြား၊ ဂျုံ၊ ဘဲဉ၊ ဆီ၊ ရေသန့် ဖြစ်ပြီး တစ်နေ့ထုတ်လုပ်မှုအနေဖြင့် ဘူးအရေအတွက် (၃၅၀)ဘူးခန့် ဖြစ်ပြီး ဈေးကွက်အတွင်း ရောင်းဝယ်မှုအခြေအနေပေါ်မူတည်၍ တစ်ဘူးလျှင် လက်လီ ဈေးနှုန်း (၄၆၀၀)၊ လက်ကားဈေးနှုန်း (၄၅၀၀)ကျပ်ဖြင့် ရောင်းချပေးပါသည်။ လုပ်သားဝန်ထမ်း (၉)ဦးရှိပြီး တစ်လ လျှင် ၂၀၀၀၀၀ ကျပ် ဝန်းကျင်ခန့်ပေးရပါသည်။ ဈေးကွက်အရ ဒေသတွင်းနှင့် ရန်ကုန်မြို့များသို့ ဖြန့်ဖြူးရောင်းချပေးလျှက်ရှိပါသည်။
ထုတ်လုပ်သောကုန်စည်နှင့်ပတ်သက်၍ စားသုံးသူများ ဘေးအန္တရာယ်ကင်းရှင်းရေး ထုတ်ကုန်လုံခြုံစိတ်ချရမှုရှိစေရေးနှင့် မြန်မာဘာသာဖြင့် ရေးသားဖော်ပြထားသော ကုန်အညွန်းအမှတ်အသားဖော်ပြချက်များကိုလည်း ကုန်စည်ထုတ်ပိုးမှုအပေါ်တွင် ထည့်သွင်းဖော်ပြရန် ရှင်းလင်း ဆွေးနွေးမှုအပေါ် သတင်းရရှိပါသည်။
(DOCA ဧရာဝတီ)