ညောင်တုန်းမြို့နယ် မဲဇလီကျေးရွာ မှ ပြည်သူများ ဆီထုတ်ယူခွင့်ရရှိရေးနှင့် သတ်မှတ်ချက်များနှင့်အညီ ဆီရောင်းချ နိုင်ရေး ကြပ်မတ်ဆောင်ရွက်ခြင်း

မအူပင်ခရိုင်၊ ညောင်တုန်းမြို့နယ် မဲဇလီဒလကျေးရွာ ကျေးရွာအုပ်ချုပ်ရေးမှူးနှင့် စာရေးများကို ကျေးရွာနေပြည်သူများ ဆီထုတ်ယူခွင့် ရရှိရေးနှင့် ဆီရောင်းချမှုများ သတ်မှတ်ချက်နှင့်အညီ ရောင်းချနိုင်ရေးကို မအူပင်ဆီကုန်သည်များအသင်းတို့နှင့်အတူ စားသုံးသူရေးရာဦးစီးဌာန၊ မြို့နယ်ဦးစီးမှူးတို့မှ သတ်မှတ်ချက်နှင့် စည်းကမ်းများအတိုင်း ရောင်းချနိုင်ရေးနှင့် ဆီထုတ်ယူနိုင်ရေးလုပ်ငန်းများကို စတစ်တကျဖြစ်စေရန် (၆-၇-၂၀၂၅) ရက်နေ့က ကြပ်မတ်ဆောင်ရွက်ခဲ့ကြောင်း သိရသည်။ ဆောင်ရွက်ရာတွင် ကျေးရွာနေ စားသုံးသူပြည်သူများ သတ်မှတ်ရည်ညွှန်းဈေးနှင့် စားသုံးဆီ ဝယ်ယူခွင့်ရရှိနိုင်ရေးကို ဌာနများမှ စိစစ်ကြပ်မတ်ဆောင်ရွက်လျက်ရှိပြီး ဆီရောင်းချမှုနှင့် ထုတ်ယူခွင့်များကို သတ်မှတ်ရက်များအတွင်း အချိန်နှင့် တပြေးညီထုတ်ယူနိုင်စေရန်၊ စားသုံးသူနှင့် လုပ်ငန်းရှင်အကြား အငြင်းပွားမှု မဖြစ်ပေါ်စေရန် သတ်မှတ်စည်ကမ်းများကို ပြည်သူများ သိရှိနားည်နိုင်ရန် ရှင်းလင်းပြောကြားခဲ့ပြီး မဲဇလီကျေးရွာမှ အိမ်ထောင်စု ၅၉၈ ဦးအား ဆီ ၅၀သား ၃၄၀၀ ကျပ်ဖြင့် မဲဇလီဒလ ဆီကိုယ်စားလှယ်အဖွဲ့မှ ရောင်းချပေးမှုကို ကြပ်မတ်ဆောင်ရွက်ပေးခဲ့ကြောင်း သိရပါသည်။ DOCA(ဧရာဝတီ)