ရန်ကုန်တိုင်းဒေသကြီး၊ တိုက်ကြီးမြို့နယ်၊ ကျေးလက်ဒေသဖွံ့ဖြိုးတိုးတက်ရေးဉီးစီးဌာနက ကျင်းပပြုလုပ်သည့် အသက်မွေးဝမ်းကျောင်းအထောက်အကူပြုအခြေခံစက်ချုပ်သင်တန်း(၁/၂၀၂၅) ဖွင့်ပွဲအခမ်းအနားသို့ (၈.၇.၂၀၂၅)ရက်နေ့ နံနက်(၉:၀၀)နာရီအချိန်တွင် အိုင်ကလောင်ကျေးရွာ ဘုန်းတော်ကြီးကျောင်း၌ ကျင်းပခဲ့ပါသည်။
သင်တန်းဖွင့်ပွဲတွင် ခရိုင်ကျေးလက်ဒေသဖွံ့ဖြိုးတိုးတက်ရေးဉီးစီးဌာနမှ ခရိုင်ဉီးစီးမှူး ဉီးလှမျိုးအောင်၊ စားသုံးသူရေးရာဉီးစီးဌာန၊ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေးနှင့် ဌာန ဆိုင်ရာများပူးပေါင်းတက်ရောက်ခဲ့ပြီး ခရိုင်ဉီးစီးမှူး ဉီးလှမျိုးအောင်က ကျေးလက်နေအမျိုးသမီးများ မိမိတို့ဝါသနာပါသည့်ပညာရပ်ကို လေ့လာသင်ယူခွင့်ရရှိသဖြင့် အလုပ်အကိုင်အခွင့်အလမ်းရရှိပြီး တစ်ဖက်တစ်လမ်းမှ မိသားစုဝင်ငွေတိုးပွားလာမည်ဖြစ်ကြောင်း၊ သင်ကြားပေးသည့်ပညာရပ်အား ကြိုးစားသင်ယူ၍ အကျိုးရှိရှိ အသုံးချစေလိုကြောင်း ပြောကြားပြီး မြို့နယ်ဉီးစီးမှူး ဒေါ်ဥမ္မာရွှေက သင်တန်းဖွင့်လှစ်ရခြင်း၏ ရည်ရွယ်ချက်နှင့်သင်တန်းတွင် ပို့ချမည့်ဘာသာရပ်များကို ရှင်းလင်း ပြောကြားပြီး သင်တန်းသူများထံ သင်ထောက်ကူပစ္စည်းများလွှဲပြောင်းပေးအပ်ကာ သင်တန်းသူ(၂၀) ဉီးတက်ရောက်ခဲ့ပြီး သင်တန်းကို ဇူလိုင်လ (၁)ရက်နေ့မှ ဩဂုတ်လ(၁၄)ရက်နေ့ထိ (၄၅)ရက်ကြာ ဖွင့်လှစ်သင်ကြားပေးမည်ဖြစ်ကြောင်း သိရှိရပါသည်။
DOCA (ရန်ကုန်)