![](http://www.doca.gov.mm/sites/default/files/styles/consumer_inner_image__847x424_/public/bgo20.jpg?itok=XnWa0Kqy)
ပဲခူးတိုင်းဒေသကြီး၊သာယာဝတီခရိုင်အတွင်းရှိ မြို့နယ်များတွင် ကွမ်းသီးစိမ်း အနုများ အရောင်းအဝယ် ကောင်းလျက်ရှိပါသည် ။ ကွမ်းသီးပင်များကို ဧကနှင့် စီးပွားဖြစ် မစိုက်ပျိုးသော်လည်း အိမ်ခြံဝန်းအတွင်း၌ တစ်ပိုင်တစ်နိုင် စိုက်ပျိုးပြီး ထွက်ရှိသော အသီးများ ရင့်မှည့်ချိန်ရောက်ခါမှ ခူးဆွတ်ရောင်းချလျက်ရှိပါသည်။ ယခုအချိန်တွင် ကွမ်းသီးစိမ်း (အနု)များကို ကွမ်းသီးအရေသောက်ဟုခေါ်ကာ ရန်ကုန်မြို့မှ လာရောက်ဝယ်ယူနေပြီး တရုတ်ပြည်မှ ဆေးဖော်ရန် ဝယ်ယူနေကြောင်း သိရှိရပါသည်။ ရန်ကုန်ဝယ်လက်အနေဖြင့် ကွမ်းသီးစိမ်းအနုများကို အပင်တက်ပြီးခူးကာ (၂၀)ဂရမ် ပြည့်မီမှသာ ၁လုံးကို ၂၀ကျပ်နှုန်းပေးပြီး ဝယ်ယူပါသည်။ ခြံပိုင်ရှင်မှ ခူးပေးလျှင် ၁လုံးကို ၅၀ကျပ်နှုန်းဖြင့် အခိုင်မပျက် ဝယ်ယူပါသည် ။ ယခင်က ရင့်မှည့်ချိန်ရောက်ခါမှ ခူးဆွတ်ရောင်းချရသဖြင့် အလေအလွင့် များကြောင်း စျေးနှုန်းမှာလည်း ၁လုံးလျှင် (၃၀)ကျပ်ခန့်သာရှိပြီး ယခုကွမ်းသီးစိမ်း (အနု)ဈေးနှင့် သိပ်မကွာခြားသဖြင့် ကွမ်းသီးစိမ်း (အနု)များကိုသာ အလွယ်တကူ ခူးဆွတ်ရောင်းချနေကြောင်း သိရှိရပါသည် ။
DOCA(ပဲခူး)