ပဲယင်းသီးနှံမှာ ပြည်တွင်းစားသုံးမှုနှင့် ပြည်ပသို့တင်ပို့သည့်စျေးကွက်ဝင် ပဲအမျိုးအစား ဖြစ်ပြီး၊မန္တလေးတိုင်းဒေသကြီးအတွင်း၂၀၂၄-၂၀၂၅ခုနှစ် ပဲယင်းသီးနှံအပါအဝင်ပဲမျိုးစုံ စိုက်ပျိုးမှု မှာ (၁၀၁၉၄၇၇)ဧက ဖြစ်ကြောင်း သိရပါသည်။ မန္တလေးစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ပဲယဉ်းများဝင် ရောက်ကြောင်းသိရပါသည်။ မန္တလေးပွဲစား၊ ကုန်သည်၊ စက်ပိုင်များ မဟာကထိန်တော် အသင်း တွင် ၂၀၂၅ခုနှစ်ဇူလိုင်လဒုတိယပတ်အတွင်း ဖြစ်ပေါ်လျက်ရှိသောပေါက်စျေးမှာ ၃တင်းဝင် တစ် အိတ်လျှင် ပဲယင်း(နီ)၂၂၅၀၀၀ကျပ်၊ပဲယင်း(ကြီး/သေး) ၂၂၅၀၀၀ ကျပ်၊ တစ်ပိဿာစျေးမှာ ပဲယင်း (နီ)၄၂၅၀ကျပ်၊ပဲယင်း(ကြီး/သေး)၃၇၅၀ ကျပ်တို့ဖြစ်ပြီး၊ယခင်နှစ် ကာလတူ တစ်ပိဿာ စျေးမှာ ပဲယင်း(နီ) ၃၄၁၇ကျပ်နှင့်၃၄၈၃ ကျပ်၊ ပဲယင်း (ကြီး) ၂၅၈၃ကျပ် နှင့် ၂၆၃၃ကျပ်၊ ပဲယင်း (သေး) ၂၃၆၇ကျပ်နှင့် ၂၄၁၇ကျပ်တို့ဖြစ်ပေါ်ခဲ့ကြောင်း သိရပါသည်။ ယခုနှစ်စျေးနှင့်ယခင်နှစ် ကာလတူ ပေါက်စျေးနှိုင်းယှဉ်ပါက ပဲယင်းပေါက်စျေးမှာ ပိုမိုရရှိကြောင်း သိရပါသည်။
DOCA(မန္တလေး)