စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် ပြည်တွင်းသို့ တင်သွင်းလာသည့် စားအုန်းဆီများ သတ်မှတ်အရည်အသွေးများပြည့်မီရေး၊ ကျန်းမာရေးနှင့် ညီညွှတ်ပြီး ဘေးအန္တရာယ် ကင်းရှင်းသည့် စားသုံးဆီများကို သုံးစွဲနိုင်ရေး၊ ဈေးကွက်အတွင်း ဖြစ်သင့် ဖြစ်ထိုက်သည့် ဈေးနှုန်းများ ဖြစ်ပေါ်စေရေးတို့အတွက် လုပ်ငန်းစဉ်များချမှတ်၍ ကြီးကြပ်လျက်ရှိရာ စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးအနေဖြင့် စားသုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီး ကြပ်ရေးကော်မတီနှင့် “မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း”တို့နှင့် ပူးပေါင်း၍ 8.8. 2022 မှ 9.8.2022 ရက်နေ့တို့တွင် အရှေ့ပိုင်း ခရိုင်အတွင်းရှိ စားသုံးသူပြည်သူများလက်ဝယ်အရောက် ဈေးနှုနးသက်သာစွာဖြင့် ရာသက်ပန် ကုန်အမှတ်တံဆိပ်ဆီဘူးများ ရောင်းချပေးလျက်ရှိပါသည်။
ထိုသို့ရောင်းချရာတွင် အရှေ့ပိုင်းခရိုင်အတွင်းရှိ သာကေတမြို့နယ်၊ ဒေါပုံမြို့နယ်နှင့် မင်္ဂလာတောင်ညွှန်မြို့နယ်ရှိ စက်ဆန်းရပ်ကွက်၊ ကူးတို့ဆိပ်ရပ်ကွက်တို့တွင် စားသုံးသူများ လက်ဝယ်အရောက်ကားဖြင့် လိုက်လံရောင်းချပေးလျက်ရှိပြီး စားသုံးဆီ ၅၀ ကျပ်သား တစ်ဘူးလျှင် 2100 ကျပ် နှုန်းဖြင့် ရောင်းချပေးလျက်ရှိကြောင်း သိရှိရပါသည်။
DOCA(ရန်ကုန်)