ကင်းပုံသီးသည် မြန်မာနိုင်ငံတွင် သဘာဝအလျောက်ပေါက်ရောက်သောအပင်ဖြစ်သလို စိုက်ပျိုးရလွယ်ကူသောနွယ်ပင်မျိုးဖြစ်ကြောင်း၊ မြင်းခြံမြို့နယ်ရှိ နဘူးအိုင်ရွာနှင့် တလုပ်ကျေးရွာ အချို့တွင် ကင်းပုံပင်ကို စီးပွားဖြစ်စနစ်တကျ စိုက်ပျိုးထားကြကြောင်း၊ စိုက်ပျိုးစရိတ် သက်သာပြီး ဝင်ငွေလည်းရရှိကြောင်း သိရှိရသည်။ ဒေသတွင်း ဈေးကွက်အနေဖြင့် ၂၀၂၅ ခုနှစ်၊ ဇူလိုင်လ ဒုတိယပတ်တွင် ကင်းပုံသီး ၂၅ ကျပ်သားလျှင် (၁၀၀၀)ကျပ်၊ တစ်ပိဿာလျှင် (၃၅၀၀) ကျပ်ပေါက်ဈေးများဖြင့်ရောင်းချလျက်ရှိကြောင်း၊ ဇွန်လ ဒုတိယပတ်တွင် ကင်းပုံသီး ၂၅ ကျပ်သားလျှင် (၁၅၀၀)ကျပ်၊ တစ်ပိဿာလျှင်(၅၅၀၀) ကျပ်ပေါက် ဈေးများဖြင့် အရောင်းဝယ် ဖြစ်ခဲ့ကြောင်း၊ ကာလတူနှိုင်းယှဉ်ပါက ယခင်လထက် ယခုလတွင် ကင်းပုံသီး ၂၅ကျပ်သားလျှင် (၅၀၀)ကျပ်၊ တစ်ပိဿာလျှင် (၂၀၀၀) ကျပ်ခန့် ဈေးနှုန်းများကျဆင်းခဲ့ကြောင်း၊ ယခုအချိန်တွင် ကင်းပုံသီးများ စိုက်ပျိုး ထွက်ပေါ်ချိ န်ဖြစ်သောကြောင့် ဈေးနှုန်းများကျ ဆင်းခဲ့ခြင်းဖြစ်ကြောင်း ကုန်စိမ်းရောင်း ချသူတစ်ဦး၏ ပြောပြချက်အရသိရှိရသည်။
DOCA(မန္တလေး)