စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသ ကြီးဦးစီးမှူးရုံး၏ လမ်းညွှန်မှု ခရိုင်ဦးစီးမှူး၏ ကြီးကြပ်မှုတို့ဖြင့် ကန့်ဘလူခရိုင်ဦးစီးမှူးရုံးတွင် အမှိုက်ပုံးများကို အမှိုက်အမျိုးအစားခွဲခြားခြင်းနှင့် အမှိုက်ပုံးအရောင်သတ်မှတ်ခြင်း များဆောင်ရွက်ပြီး စားသုံးသူပြည်သူများ ကျန်းမာစေရေး၊ ရုံးရှိဝန်ထမ်းများ အမှိုက်များကို စနစ်တကျစွန့်ပစ်နိုင်စေရေး၊ အမှိုက်ပုံးများကို ဝါ၊ စိမ်း၊ နီ ၊ ပြာ စနစ်တကျထားရှိရေးတို့အတွက် အမှိုက်ပုံးများ ထားရှိဆောင်ရွက်ခဲ့ပါသည်။
ထိုသို့အမှိုက်ပုံးများကို အရောင်ခွဲခြားရာတွင် အမှိုက်စိုအတွက် အမှိုက်ပုံးအစိမ်းရောင်၊ အမှိုက်ခြောက်အတွက် အမှိုက်ပုံးအဝါရောင်၊ ပလတ်စတစ်အမှိုက်အတွက် အမှိုက်ပုံးအပြာရောင်နှင့် အန္တရာယ်ရှိအမှိုက်များအတွက် အမှိုက်ပုံးအနီရောင် ဟူ၍ ခွဲခြားသတ်မှတ်ပြီး အမှိုက်ပုံးများ ထားရှိဆောင်ရွက်ပြီး ဝန်ထမ်းများက ပူးပေါင်းပြီး စနစ်တကျ စွန့်ပစ်ဆောင်ရွက်ရမည်ဖြစ်ကြောင်း သတင်းရရှိပါသည်။
DOCA(စစ်ကိုင်း)