“ ဒလမြို့နယ်အတွင်းရောင်းချလျက်ရှိသောလျှပ်စစ်ပစ္စည်းအမျိုးမျိုးရောင်းဆိုင်များသို့ သတ်မှတ်ထားသောကုန်အညွှန်းအမှတ်အသားများဖော်ပြထားခြင်းရှိ/မရှိကွင်းဆင်းစစ်ဆေး ”

ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်အတွင်းရှိ လျှပ်စစ်ပစ္စည်းအမျိုးမျိုး အရောင်းဆိုင်များတွင် သတ်မှတ်ထားသော ကုန်အညွှန်းအမှတ်အသားများ ပြည့်စုံစွာ ဖော်ပြ ထားခြင်းရှိ/မရှိအား ဇူလိုင်လ(၁၄)ရက်နေ့၊ နံနက် (၀၉:၃၀)နာရီအချိန်တွင် ကွင်းဆင်းစစ်ဆေး ခဲ့ကြောင်း သိရသည်။ ထိုသို့ကွင်းဆင်းစစ်ဆေးခဲ့ရာတွင် ဒလမြို့နယ်စားသုံးသူရေးရာဦးစီးဌာန မြို့နယ်တာဝန် ခံနှင့် ကမာကဆစ် စည်ပင်သာယာဈေး ဒုတာဝန်ခံတို့ ပူးပေါင်း၍ ဒလမြို့၊ ဘုရင့်နောင်ရပ်ကွက် အတွင်းရှိ အိမ်သုံးလျှပ်စစ်ပစ္စည်းအမျိုးမျိုး ရောင်းချလျက်ရှိသော (AAA)လျှပ်စစ်ပစ္စည်း အမျိုး မျိုး အရောင်းဆိုင်နှင့် အောင်လျှပ်စစ် ပစ္စည်းအမျိုးမျိုး အရောင်းဆိုင်များတွင် အိမ်သုံးပစ္စည်း လျှပ်စစ်ပစ္စည်းအမျိုးမျိုးအား သုံးစွဲသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန် လုံခြုံစိတ်ချရမှုရှိစေရေးအတွက် မြန်မာဘာသာဖြင့် မဖြစ်မနေဖော်ပြရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှု အညွှန်း၊ ကြိုတင်သတိပေးချက် စသည့်များအား ကုန်အညွှန်းအမှတ်အသား ပြည့်စုံစွာဖော်ပြ ထားခြင်းရှိ/မရှိကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)