စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည်(၁၄.၇.၂၀၂၅)ရက်နေ့၊ နေ့လည် (၁၃:၃၀)နာရီအချိန်တွင် ကြံခင်းမြို့၊ မဟာဘောဂလမ်း၊ ရွာသစ်ရပ်ကွက်ရှိ မြို့မဈေးတာဝန်ခံရုံး၌ ကုန်မျိုးစုံအရောင်းဆိုင်လုပ်ငန်းရှင်များအား စားသုံးသူကာကွယ်ရေးဆိုင်ရာအသိပညာပေးဟောပြော ခြင်းကို ဆောင်ရွက်ခဲ့ပါသည်။
ထိုသို့ဟောပြောရာတွင် မြို့နယ်တာဝန်ခံ ဦးကျော်နိုင်ဝင်းက ဈေးကွက်အတွင်း ရောင်းချနေ သော ကုန်ပစ္စည်းများတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု သို့မဟုတ် တစ်ခုထက် ပို၍ တွဲလျက်ဖော်ပြထားမှုသော ကုန်စည်များ၊ ကုန်စည်အမှတ်တံဆိပ်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းနှင့် ဓါတ်မတည့်ကြောင်းဖော်ပြ ချက်၊ ကြိုတင်သတိပေးချက်များ ဖော်ပြထားသောကုန်စည်များ၊ သက်ဆိုင်ရာအစိုးရဌာနများက သတ်မှတ်ထားသော အချက်အလက်များ၊ ထောက်ခံချက်များပါရှိသော ကုန်စည်များကိုသာ ရောင်းချ စေရေး အကျယ်တဝင့် ရှင်းလင်းဆွေးနွေးခဲ့ကြောင်း သိရှိရပါသည်။
(DOCA ဧရာဝတီ)