စားသုံးရေးရာဦးစီးဌာနသည် စားသုံးသူအခွင့်အရေးများတွင် ပါဝင်သော ကုန်စည်(သို့) ဝန်ဆောင်မှုနှင့် စပ်လျဉ်းသည့် အသိပညာဗဟုသုတများ၊ အခွင့်အရေးများနှင့် လိုအပ်သော အချက်အလက်များကို သိရှိလေ့လာနိုင်ခွင့် ရရှိစေရန်အတွက် စားသုံးသူများအား အသိပညာ ဟောပြောပွဲများကို စဉ်ဆက်မပျက် ဆောင်ရွက်လျက်ရှိရာတွင် ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ အမှတ်(၁၁)ရပ်ကွက်၊ အခြေခံမူလတန်းကျောင်းရှိ ကျောင်းသား/ ကျောင်းသူ ကလေးငယ်များအား စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံ ဒေါ်ကျော့ ကေခိုင်က ဇွန်လ (၁၆)ရက်နေ့၊ နံနက် (၁၀:၃၀)နာရီအချိန်တွင် အသိပညာပေး ဟောပြောခဲ့ ကြောင်း သိရှိရပါသည်။
ထိုသို့ အသိပညာပေး ဟောပြောရာတွင် ပြည်သူတိုင်းသည် စားသုံးသူများဖြစ်သည့် အတွက် နိုင်ငံတော်မှ စားသုံးသူကာကွယ်ရေး ဥပဒေပြဌာန်းထားပြီး စားသုံးသူများအား အခွင့် အရေးဆုံးရှုံးမှုများမရှိစေရန် ဥပဒေအရ ကာကွယ်ပေးလျက်ရှိကြောင်း၊ ဥပဒေတွင် ပြဌာန်းထား သော စားသုံးသူ၏ အဓိပ္ပါယ်၊ စားသုံးသူများ၏ အခွင့်အရေးနှင့် တာဝန်များအား ရှင်းလင်းခြင်း၊ စားသုံးသူများသည် ကုန်စည်များကို ဝယ်ယူသုံးစွဲရာတွင် ဘေးအန္တရာယ်ကင်းရှင်းစေရန်အတွက် ကုန်စည်တွင် ဖော်ပြထားသော ကုန်အညွှန်းအမှတ်အသားနှင့် သတင်းအချက်အလက်များအား ဖတ်ရှု့လေ့လာပြီး ရွေးချယ်ဝယ်ယူ သုံးစွဲကြရန်နှင့် စားသုံးသူအခွင့်အရေး ဆုံးရှုံးခဲ့ပြီး နစ်နာမှု များရှိခဲ့လျှင် စားသုံးရေးရာဦးစီးဌာနသို့ အလွယ်တကူ ဆက်သွယ်တိုင်ကြားနိုင်သော Call Center No.1535 သို့ ဆက်သွယ်တိုင်ကြားပြီး သိရှိလိုသည်များအား စုံစမ်းမေးမြန်းနိုင်ကြောင်း အသိပညာပေး ဟောပြောခဲ့ကြောင်း သိရှိရပါသည်။
DOCA(ရန်ကုန်)