“ ကော့မှူးမြို့နယ်ရပ်ကွက်များရှိဆေးဆိုင်များ၏ဆေးဝါးများဖြန့်ဖြူးရောင်းချနေသည့် ဈေးနှုန်း ကွင်းဆင်းစစ်ဆေး ”

     ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ရပ်ကွက်များရှိ ဆေးဆိုင်များ၏ ဆေးဝါးများ ဖြန့်ဖြူးရောင်းချနေသည့် ဈေးနှုန်းအခြေအနေအား  ဇူလိုင်လ (၁၇)ရက်နေ့၊ နံနက် (၀၉:၀၀)နာရီအချိန်တွင် မြေပြင်ကွင်းဆင်း စာရင်းကောက်ယူခဲ့ကြောင်း သိရသည်။

     ထိုသို့ မြေပြင်ကွင်းဆင်း စာရင်းကောက်ယူခဲ့ရာတွင် စားသုံးသူရေးရာဦးစီးဌာန၊ ရန်ကုန် တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ မြို့နယ်စားသုံးသူရေးရာဦးစီးဌာနမှ မြို့နယ် တာဝန်ခံ ဦးတင်မင်းဦးဆောင်၍ မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေး သွင်တို့ ပူးပေါင်းအဖွဲ့သည် ကော့မှူးမြို့နယ်၊ ဗိုလ်ချုပ်လမ်း၊ မကျီးတန်းရပ်ကွက်ရှိ ဇာနည်ဆေး ဆိုင်၊ ဗိုလ်ချုပ်လမ်း မြို့မရပ်ကွက် အောင်သစ္စာဆေးဆိုင်တို့ရှိ ဆိုင်ပိုင်ရှင် စီးပွားရေးလုပ်ငန်းရှင် များနှင့် တွေ့ဆုံခဲ့ပြီး စားသုံးသူပြည်သူများ အနေဖြင့် အသုံးများသည့် အကိုက်အခဲပျောက်ဆေး၊ သွေးကျဆေး၊ သွေးကျဲဆေး၊ အာရုံကြောဆေး၊ လေဆေး၊ အားဆေးစသည့် အမျိုးအစား အမျိုးမျိုးတို့၏ ဈေးနှုန်းအတက်အကျ ပြောင်းလဲမှု အခြေအနေတို့အား စာရင်းကောက်ယူခဲ့ပြီး စံနှုန်းမညီဆေးဝါးများ၊ သက်တမ်းလွန်ဆေးဝါးများ၊ စပ်ဆေးများအား စားသုံးသူပြည်သူထံသို့ ဖြန့်ဖြူးရောင်းချခြင်းများ မပြုလုပ်ကြရန် စားသုံးသူကာကွယ်ရေး အသိပညာပေး ဆွေးနွေးပြော ကြားခဲ့ပြီး မြေပြင်ကွင်းဆင်း စစ်ဆေးခဲ့ကြောင်း သိရှိရပါသည်။

DOCA(ရန်ကုန်)