မွန်ပြည်နယ် ကျိုက်မရောမြို့နယ်တွင် မြန်မာအီလက်ထရောနစ် မဲပေးစက်များ ကိုင်တွယ်အသုံးပြုခြင်းဆိုင်ရာ ဆင့်ပွားသင်တန်းကို ၂၁.၇.၂၀၂၅ ရက်နေ့ နံနက်က အ.ထ.က ကျိုက်မရော(ပညာ့အားမာန်)ခန်းမ၌ ပြုလုပ်ခဲ့သည်။
ရှေးဦးစွာမြို့နယ်စီမံအုပ်ချုပ်ရေးအဖွဲ့ဥက္ကဌ ဦးကျော်စိုးဦးက အမှာစကားပြောကြားပြီး မြို့နယ်ရွေးကောက်ပွဲကော်မရှင် အဖွဲ့ခွဲရုံးမှ ဦးစီးအရာရှိ ဒေါ်စန္ဒာဝင်းက စက်ကိုင်တွယ် အသုံးပြုခြင်းနှင့် မဲပေးနည်းစနစ်များကို ရှင်းလင်းပြောကြားသည်။ အဆိုပါ သင်တန်းတွင် မြန်မာအီလက်ထရောနစ် မဲပေးစက်ဖွဲ့စည်းတည်ဆောက်ပုံ၊ ပါဝင်သည့်ဆက်စပ်ပစ္စည်းများနှင့် မဲပေးစက်များစစ်ဆေးခြင်း၊ အီလက်ထရောနစ် မဲပေးစက် လက်တွေ့တပ်ဆင်လေ့ကျင့်ခြင်း သင်ခန်းစာများနှင့် ပတ်သက်၍အပြန်အလှန် ဆွေးနွေးခြင်းနှင့်လက်တွေ့ကိုင်တွယ်လေ့ကျင့်ခြင်း တို့ကို ဇူလိုင် ၂၁ ရက်မှ ၂၆ ရက် အထိ သင်တန်းနည်းပြ (၉) ဦးတို့က သင်တန်းသား၊ သင်တန်းသူ (၃၇၉)ဦး တို့အား ၄ ရက်ကြာ စာတွေ့၊ လက်တွေ့ သင်ကြားပို့ချပေးသွားမည်ဖြစ်ကြောင်း သိရသည်။
DOCA (မွန်)