မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံသည် ၂၃.၇.၂၀၂၅ ရက်နေ့တွင် ဘီးလင်းမြို့နယ်၊ ဝင်းပြန်ကျေးရွာရှိ “ကောင်းပြည့်” ယိုမျိုးစုံ လုပ်ငန်းသို့သွားရောက်၍ ကွင်းဆင်းစစ်ဆေးခြင်းပြုလုပ်ခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာ ယိုမျိုးစုံလုပ်ငန်းရှင် ဦးအောင်ထွန်းကြည်နှင့်တွေ့ဆုံ၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) နှင့်အညီ ကုန်စည်များဈေးကွက်မရောက်မီ ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြစေရေး နှင့် ထိုညွှန်ကြားချက်အား မလိုက်နာပါက စားသုံးသူကာကွယ်ရေး ဥပဒေနှင့်အညီ အရေးယူ ဆောင်ရွက်မည်ဖြစ်ကြောင်း၊ စားသုံးသူများ ဘေးအန္တရာယ်ကင်းစေရေးအတွက် လုပ်ငန်းရှင်များ လိုက်နာရမည့်တာဝန်များကို တိကျစွာ လိုက်နာဆောင်ရွက်ရန်နှင့် လုပ်ငန်းရှင်များလိုက်နာရ မည့် တာဝန်များဖောက်ဖျက်ကျူးလွန်ပါက အရေးယူခံရမည့် ပြစ်မှု/ပြစ်ဒဏ်များ အကြောင်းတို့ ကို အသိပေးဆွေးနွေးခဲ့ပြီး ယခုထုတ်လုပ်နေသည့် ကုန်စည်များအား အဆင့်မြင့်၍ မြို့နယ် အတွင်းသာမက အခြားနယ်များသို့ပါ တင်ပို့ရောင်းချနိုင်စေရေး အကြံပေး ဆွေးနွေးခဲ့ကြောင်း သိရှိရပါသည်။
DOCA (မွန်)