ထားဝယ်မြို့ရှိ စည်ပင်သာယာဈေးကြီး၊ ကမ်းနားဈေးနှင့် ညနေဈေးတို့ရှိ သစ်သီးဆိုင်များ၌ သစ်သီးမျိုးစုံရောင်းချလျက်ရှိရာ ပန်းသစ်တော်သီးမှာလည်း အရောင်းအဝယ်ဖြစ်လျက်ရှိပြီး လူကြိုက်များကြကြောင်း သိရှိရပါသည်။ ရန်ကုန်၊ မော်လမြိုင်ဘက်မှ ကားများဖြင့် ထားဝယ်မြို့ရှိ သစ်သီးဒိုင်များသို့ တင်ပို့ကြပြီး ထိုမှတဆင့် သစ်သီးဆိုင်များသို့ ပြန်လည်ဖြန့်ဖြူးလျက်ရှိကြောင်းလည်း သိရှိရပါသည်။
ထားဝယ်ဈေးကွက်၌ ဇူလိုင်လအတွင်း ပန်းသစ်တော်သီး ဈေးကောင်းလျက်ရှိပြီး တစ်လုံးလျှင် (၃၅၀၀)ကျပ်မှ (၄၀၀၀)ကျပ်အထိရှိကြောင်း သိရှိရပါသည်။
DOCA(တနင်္သာရီ)