စားသုံးသူရေးရာဦးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဝန်ထမ်းများသည် (၁၈.၇.၂၀၂၅)ရက်နေ့ နံနက်(၁၁:၀၀)နာရီအချိန်တွင် မင်္ဂလာဒုံမြို့နယ်ရှိ Terminal 202 စက်သုံးဆီဆိုင်သို့ သွားရောက် ၍ ဈေးကွက်စောင့်ကြည့်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် အမှတ်(၁၇၁/၁)၊ မြေတိုင်းရပ်ကွက်(၁)၊ အမှတ်(၃) လမ်းမကြီး မင်္ဂလာဒုံမြို့နယ်ရှိ Terminal 202 စက်သုံးဆီဆိုင်တာဝန်ခံ ဉီးဧပရယ်ထွန်းမှ ပူးပေါင်းပါဝင်လျက် မိမိတို့ဆိုင်တွင် စက်သုံးဆီ(၄)မျိုးရောင်းချလျက်ရှိပြီး ရရှိသောဆီခွဲတမ်းများအား စနစ်တကျမှန်ကန် စွာရောင်းချပေးပါကြောင်း၊ ဈေးနှုန်းကိုလည်း LED ဘုတ်ဖြင့် တင်ပြထားပါကြောင်း၊ ဆီဘောက်ဆာ ကားဝင်ရောက်မှုနှင့်ဆီလက်ကျန်အခြေအနေများကို နေ့စဉ်စာရင်းပြုစု၍ သက်ဆိုင်ရာဌာနများသို့ ပေးပို့ဆောင်ရွက်လျက်ရှိပါကြောင်း သိရှိရပါသည်။
DOCA (ရန်ကုန်)