၂၀၂၆ ခုနှစ်၊ ဩဂုတ်လ ၂၇ ရက်နေ့၊ နေ့လယ် (၁၁း၃၀) နာရီအချိန်တွင် တနင်္သာရီတိုင်းဒေသ ကြီးစားသုံးသူရေးရာကော်မတီဥက္ကဋ္ဌ၊ တနင်္သာရီတိုင်းဒေသကြီးအစိုးရအဖွဲ့၊ စီမံကိန်း၊ စီးပွားရေးနှင့် ဘဏ္ဍာရေးဝန်ကြီးဦးဆောင်၍ ထားဝယ်မြို့၊ အမှတ်(၃)အခြေခံပညာအထက်တန်းကျောင်းမုန့်စျေးတန်းအား ကွင်းဆင်းစစ်ဆေးခဲ့ရာ ကော်မတီဥက္ကဋ္ဌနှင့်အတူ အဖွဲ့ဝင်များမှ လိုက်ပါကွင်းဆင်းစစ်ဆေးခြင်းများဆောင်ရွက်ခဲ့ကြောင်း သိရသည်။
ကွင်းဆင်းစစ်ဆေးရာတွင် ကျောင်းသား/ ကျောင်းသူများ ဘေးအန္တရာယ်ကင်းရှင်းသော အစားအသောက်များအား ဝယ်ယူသုံးစွဲနိုင်စေရန်အတွက် ကော်မတီဥက္ကဋ္ဌမှဦးဆောင်၍ ကျောင်းမုန့်စျေးတန်းများအတွင်း ကုန်အညွှန်းအမှတ်အသားများမပါရှိသော အသင့်စားမုန့်အမျိုးမျိုး၊ FDA မှ ကန့်သတ်တားမြစ်ထားသော မုန့်များနှင့် စားသုံးပါက အန္တရာယ်ဖြစ်စေမည့် မုန့်များအား ရောင်းချနေမှုများ ရှိ/ မရှိ၊ သက်ဆိုင်ရာဌာနများမှ ကန့်သတ်ထားသော ကုန်စည်များအား ရောင်းချခြင်းများ ရှိ/ မရှိ၊ အစားအသောက်ရောင်းချသူများ တစ်ကိုယ်ရည်သန့်ရှင်းသပ်ရပ်မှုများ ရှိ/ မရှိများအား ကော်မတီအဖွဲ့ဝင်များနှင့်အတူ ကွင်းဆင်းစစ်ဆေးခြင်းများ ဆောင်ရွက်ခဲ့ပြီး ကျောင်းအုပ်ဆရာမကြီးနှင့် တကွ သက်ဆိုင်ရာတာဝန်ရှိသူများအား လမ်းညွှန်မှာကြားခြင်းများ ဆောင်ရွက်ခဲ့ကြောင်း သိရှိရပါသည်။
DOCA(တနင်္သာရီ)