ပြည်ထောင်စုနယ်မြေ၊ နေပြည်တော်အတွင်း နှမ်းရိတ်သိမ်းနေမှုများဖြိုင်ဖြိုင်ရှိနေပြီး မြေပဲ စတင်ထွက်ရှိလာမှုများကိုလည်း တွေ့ရှိလာရပါသည်။ နှမ်း(နီ) ထွက်ရှိမှုနည်းပါးခဲ့ပြီး ဒေသတွင်း အသုံးပြုမှု အနေအထားတွင်ရှိနေပါသည်။ နှမ်း(နက်)ထွက်ရှိလာမှုများအား မန္တလေးဈေးကွက်သို့ တင်ပို့မှုရှိနေပါသည်။ နှမ်း(နီ)ဈေးနှုန်းတည်ငြိမ်ပြီး၊ နှမ်း(နက်)ဈေးနှုန်းမြင့်တက်လာမှုကို တွေ့ရပါ သည်။ နေကြာစိုက်ပျိုးထားရှိမှုများမှ ဩဂုတ်လ၏ ပထမပတ်အတွင်း စတင်ရိတ်သိမ်းလာနိုင်မည့် အနေအထားများကိုတွေ့ရှိနေရပါသည်။
ဒေသတွင်းဈေးကွက်လိုအပ်ချက်များအရ ပုံမှန်ကြိတ်ခွဲမှုအနေအထားရှိခဲ့ပြီး၊ နဝလီကြိတ် ခွဲမှုတွင် ပိုမိုလာခဲ့သည်ကို တွေ့ရှိရပါသည်။ ကျေးရွာများရှိ ဆီစက်များတွင် နဝလီကြိတ်ခွဲမှုများကို တွေ့ရှိလာရပါသည်။ ဆီစက်များတွင် မြေပဲဆီ ရောင်းဈေး(၁၉၀၀၀)ကျပ်၊ နှမ်းဆီ(၁၉၄၀၀)ကျပ်ဖြင့် ရောင်းချနေမှုများကို တွေ့ရပါသည်။ မြေပဲ(ဆီဆံ) ဈေးနှုန်းနိမ့်ကျလာမှု ရှိလာပါသည်။
ဆီကြိတ်ဖတ်တင်ပို့မှု မန္တလေးဈေးကွက်သို့ တင်ပို့မှုရှိနေပြီး၊ ဆီကြိတ်ဖတ်များတွင် မှိုတက် သည့် အနေအထားများ ရှိခဲ့သဖြင့် ဈေးနှုန်းလျော့ကျမှုများ ရှိလာခဲ့ပါသည်။ မြေပဲဖတ်ဈေးနှုန်းတွင် (၂၀၀)ကျပ် နိမ့်ကျလာပြီး (၄၂၀၀)ကျပ် နှမ်းဖတ်ဈေးနှုန်းတွင်(၂၈၀၀)ကျပ်မှ (၂၅၀၀)ကျပ်သို့ နိမ့်ကျမှုရှိလာခဲ့ပါသည်။
DOCA(ပြည်ထောင်စုနယ်မြေ)