ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်၊ စည်ပင်သာယာမြို့မဈေးအတွင်း/ အပြင်ရှိ ဆိုင်များနှင့်ရပ်ကွက်များရှိ အခြေခံကုန်ပစ္စည်း အရောင်းဆိုင်များသို့ ဇူလိုင်လ (၂၁)ရက် နေ့၊ နံနက်(၀၉:၀၀)နာရီအချိန်တွင် အခြေခံစားသောက်ကုန်ပစ္စည်းများ၏ ဈေးနှုန်း အခြေအနေ အား မြေပြင်ကွင်းဆင်း စစ်ဆေးခဲ့ကြောင်း သိရှိရပါသည်။
ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန မြို့နယ် တာဝန်ခံနှင့် မြို့နယ်စည်ပင်သာယာရေးအဖွဲ့မှ ဈေးတာဝန်ခံ တို့ပူးပေါင်း၍ အုန်းပင်စုရပ်ကွက်ရှိ မိဘမေတ္တာဆန်ဆိုင်၊ အောင်ကြည်ညွှန့်ဆန်ဆိုင်၊ မင်းသီဟဆန်ဆိုင်၊ စည်ပင်ယာဈေးအတွင်းရှိ ကျော်ရဲလင်းကုန်စုံဆိုင်၊ ဒေါ်သင်းသင်းအေး ကုန်စုံဆိုင်၊ ဒေါ်စိုးစိုးကုန်စုံဆိုင်၊ ဒေါ်ကောက်ကုန် ခြောက်ဆိုင်၊ ဒေါ်ဝင်းဝင်းရီ ကုန်ခြောက်ဆိုင်၊ ဦးလှဆွေ ကြက်သားဆိုင်၊ ဦးမောင်စိုး ဝက်သား ဆိုင်၊ ဦးလှရွှေဆိတ်သားဆိုင်၊ ဒေါ်သန်းသန်းဦး အမဲသားဆိုင်၊ ဒေါ်ဆွေဇင်ဦး ရေချိုရေငံ ငါးပုဇွန် အရောင်းဆိုင်၊ မအင်းသား ကြက်ဥဘဲဥ လက်လီလက်ကားအရောင်းဆိုင်၊ ဒေါ်ခင်စော လှိုင် ငါးပိ၊ ငါးခြောက်အရောင်းဆိုင်၊ ဦးစိုးတင့် ကုန်စိမ်းဆိုင် စသည်တို့တွင် ဇူလိုင်လ တတိယပတ်နှင့် စတုတ္ထပတ်တို့တွင် ဖြစ်ပေါ်နေသည့် ဈေးနှုန်းအခြေအနေများကို ကွင်းဆင်းလေ့လာခဲ့ပြီး အခြေခံစားသောက်ကုန် ဈေးနှုန်းများမှာ သိသိသာသာ ကွာခြားချက်မရှိဘဲ စားအုန်းဆီဈေးနှုန်း မှာ ယခင်အပတ်ထက် ဈေးနှုန်းအနည်းငယ်မြင့်တက်လာသည်ကို လေ့လာတွေ့ရှိခဲ့ကြောင်း သိရှိ ရပါသည်။
DOCA (ရန်ကုန်)