စားသုံးသူပြည်သူများအား စားအုန်းဆီဝယ်ယူ စားသုံးရာတွင် ဘေးအန္တရာယ်က ကင်းရှင်း သော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်း လိုအပ်ချက်များကို ဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားအုန်းဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက် လျက်ရှိရာ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် မကျီးတန်းရပ်ကွက် ဆွမ်း လောင်းဓမ္မာရုံတွင် စားအုန်းဆီဖြန့်ဖြူးရောင်းချနေမှု အခြေအနေအား ဇူလိုင်လ (၂၁)ရက်နေ့၊ နံနက် (၀၉:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာတွင် ကော့မှူးမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံ ဦးတင်မင်းသည် မကျီးတန်းရပ်ကွက် ဆွမ်းလောင်းဓမ္မာရုံတွင် စားအုန်းဆီဖြန့်ဖြူး ရောင်းချပေးလျက်ရှိသော ရပ်ကွက်အုပ်ချုပ်ရေးမှူး ဦးတင်ဝင်းနှင့် အဖွဲ့ဝင်များအား တွေ့ဆုံကာ ကော့မှူးမြို့နယ် ရပ်ကွက်ကျေးရွာအုပ်စုများရှိ စားသုံးသူပြည်သူများ ဈေးနှုန်းမှန်ကန်စွာဖြင့် အခက်အခဲမရှိ ဝယ်ယူစားသုံးနိုင်ရေးအတွက် သတ်မှတ်စားအုန်းဆီခွဲတမ်းများ လုံလောက်စွာ ချထားပေးခဲ့ပြီး သတ်မှတ်အခြေခံ လက်ကားရည်ညွှန်းဈေးအား အပတ်စဉ်တနင်္လာနေ့တိုင်း ထုတ်ပြန်ပေးလျက်ရှိကြောင်း မိမိတို့ ရပ်ကွက်အတွက် ရရှိသည့် စားအုန်းဆီခွဲတမ်းအား ဈေးနှုန်း မြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများ မပြုလုပ်ကြရန် အသိပညာပေး ဆွေးနွေးပြောကြားခဲ့ပြီး စားအုန်းဆီ ထုတ်ယူခွင့်စာအုပ်ဖြင့် စားအုန်းဆီ ဖြန့်ဖြူး ရောင်းချနေမှု အခြေအနေအား ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)