“ သန်လျင်မြို့နယ် စည်ပင်သာယာမြို့မဈေးရှိစားအုန်းဆီကိုယ်စားလှယ်ဆိုင်တွင် စားအုန်းဆီလက်လီ/ လက်ကားဖြန့်ဖြူးရောင်းချနေမှုအခြေအနေကွင်းဆင်းစစ်ဆေး ”

      ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် စည်ပင်သာယာမြို့မဈေး အတွင်းရှိ စာအုန်းဆီကိုယ်စားလှယ်ဆိုင်တွင် စားအုန်းဆီ လက်လီ/လက်ကား ဖြန့်ဖြူးရောင်းချ နေမှု အခြေအနေအား ဇူလိုင်လ (၂၁)ရက်နေ့၊ နံနက် (၁၀:၃၀) နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရ သည်။

    ထိုသို့ ကွင်းဆင်းစစ်ဆေးခဲ့ရာတွင် ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူး ဦးအောင်စိုးမိုးနှင့် ဝန်ထမ်းများ၊ မြို့နယ်စည်ပင်သာယာရေးအဖွဲ့မှ ဝန်ထမ်းများ ပူးပေါင်းအဖွဲ့ဖြင့် သန်လျင်မြို့နယ်၊ စည်ပင်သာယာမြို့မဈေးအတွင်းရှိ စားအုန်းဆီကိုယ်စားလှယ် ဦးအောင်ရင်၏ ကုန်စုံဆိုင်တွင် စားအုန်းဆီခွဲတမ်းရရှိသည့်အပေါ် ပြန်လည်ဖြန့်ဖြူးရောင်းချနေသည့် လက်လီ/ လက်ကား ပေပါ၊ ပိဿာစာရင်းနှင့် လက်လီ/လက်ကားဈေးနှုန်းတို့အား စာရင်းကောက်ယူခဲ့ပြီး စားအုန်းဆီ ကိုယ်စားလှယ်များ အနေဖြင့် စားအုန်းဆီ ဝယ်ယူရာတွင် စားအုန်းဆီ (၁)ပိဿာ ဒေသတွင်း သယ်ယူစရိတ် ၂%အမြတ်နှင့် လက်လီပြန်လည်ဖြန့်ဖြူးသည့် ဈေးနှုန်းများအား စစ်ဆေးခဲ့ပြီး ဆီများအား ဈေးကစားရန်ရည်ရွယ်ချက်ဖြင့် သိုလှောင်ထားခြင်းများ မပြုလုပ် ကြရန်နှင့် သတ်မှတ်ရည်ညွှန်းဈေးအပေါ် နှစ်ရာခိုင်နှုန်း အမြတ်ထက်မပိုသော ဈေးနှုန်းဖြင့်သာ စားသုံးသူပြည်သူများထံသို့ ပြန်လည်ဖြန့်ဖြူး ရောင်းချပေးကြရန် စားသုံးသူကာကွယ်ရေး အသိပညာပေး ဆွေးနွေးပြောကြား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)