“ ခရမ်းမြို့နယ်ဈေးကွက်အတွင်းအခြေခံစားကုန်ပစ္စည်းများ၏ဈေးနှုန်းအခြေအနေများအား မြေပြင်ကွင်းဆင်းစစ်ဆေးခြင်း ”

     ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် စည်ပင်သာယာမြို့မဈေး အတွင်း/ အပြင်နှင့် ရပ်ကွက်များရှိ အခြေခံစားသောက်ကုန်ပစ္စည်း အရောင်းဆိုင်များသို့ ဇူလိုင်လ (၂၁)ရက်နေ့၊ နံနက် (၀၉:၃၀) နာရီအချိန်တွင် အခြေခံစားကုန်ပစ္စည်း ဈေးနှုန်းအခြေအနေများ အား စားသုံးသူရေးရာဦးစီးဌာန မြို့နယ်တာဝန်ခံ ဒေါ်ကျော့ကေခိုင်နှင့် မြို့နယ်စည်ပင်သာယာ ရေးအဖွဲ့တို့ ပူးပေါင်း၍ ကွင်းဆင်းစစ်ဆေးခဲ့ကြောင်း သိရှိရပါသည်။

     ထိုသို့ ဈေးကွက်အတွင်း မြေပြင်ကွင်းဆင်း စစ်ဆေးရာတွင် စည်ပင်သာယာမြို့မဈေး အတွင်းရှိ ကရင်ကန်ဆန်ဆိုင်၊ ပြည့်ဝဆန်ဆိုင်များတွင် ရောင်းချနေသော ဆန်ကြမ်း၊ ဆန်ချော များ၏ ဆန်(၁)ပြည်ဈေးနှုန်း (၁)အိတ်ဈေးနှုန်းများသည် သတ်မှတ်ရည်ညွှန်းဈေးများနှင့် ကိုက်ညီ မှုရှိ/မရှိ စစ်ဆေးခြင်း၊ အခြေခံစားကုန် မီးဖိုချောင်သုံး ကုန်ခြောက်ပစ္စည်းများ ရောင်းချသော ဒေါ်မြသန်း၊ ဒေါ်ဥမ္မာ၊ ဒေါ်စန္ဒီတို့၏ ကုန်ခြောက်ဆိုင်များတွင် အခြေခံစားကုန်ပစ္စည်းဈေးနှုန်းများ ကောက်ခံခြင်း၊ ဦးအောင်အောင်၏ ကြက်သားဆိုင်၊ ဦးကျော်လွင်၏ ဝက်သားဆိုင်၊ ဒေါ်တင်တင်လှ၏ အမဲသားဆိုင်၊ ဦးကျော်မင်း+ ဒေါ်ကေသီတို့၏ ဆိတ်သားဆိုင်နှင့် ဒေါ်ခင်ဟန်၊ ဒေါ်ခိုင်၊ ဒေါ်သန္တာတို့၏ ငါးအရောင်းဆိုင်များတွင် ရောင်းချနေသော အသား၊ ငါးဈေးနှုန်းများအား ကောက်ခံခြင်းနှင့် ကြက်ဥ၊ ဘဲဥ အရောင်းဆိုင်များရှိ လက်လီလက်ကား ဈေးနှုန်းများနှင့် စားအုန်း ဆီဈေးနှုန်းများအား ကောက်ခံခဲ့ရာတွင် ဇူလိုင်လ၏ ပထမပတ်ဈေးနှုန်းများနှင့် သိသာစွာ ကွာခြားမှုမရှိဘဲ စားအုန်းဆီ ဈေးနှုန်းမှာ ယခင်အပတ်ထက် ဈေးနှုန်း အနည်းငယ်မြင့်တက်လာသည်ကို လေ့လာတွေ့ရှိခဲ့ကြောင်း သိရှိရပါသည်။

DOCA(ရန်ကုန်)