စစ်ကိုင်းတိုင်းဒေသကြီး၊ ကန့်ဘလူမြို့နယ်တွင်သာမက အခြားသောဒေသများတွင်လည်း ပန်းစိုက်ပျိုးရေးလုပ်ငန်းများကို မိသားစုတစ်နိုင်တစ်ပိုင်မှ စီးပွားဖြစ်စိုက်ပျိုးလျက်ရှိကြကြောင်း၊ ပန်းမျိုးပေါင်းများစွာ ရှိသည့်အနက် မြန်မာလူမျိုးတို့သည် သပြေပန်းကို ဘုရားပန်းကပ်လှူရာ၌သာ အများဆုံးအသုံးပြုကြကြောင်း၊ သပြေပန်းကို ယခင်ကတောတောင်များ၌သာ တွေ့ရလေ့ရှိပြီး ယခုအခါ မိမိတို့ခြံဝင်းများ၊ ယာခင်းများ၌ သပြေပင်များကို ခြံဖွဲ့၍စိုက်ပျိုးလျက်ရှိရာ နေရာအနှံ့အ ပြားတွင် မြင်တွေ့လာရသည်မှာ နှစ်အတော်ကြာခဲ့ပြီ ဖြစ်ပါသည်။
သပြေပန်းသည် အပွင့်မျိုးမဟုတ်၊ ရိုးတံအသစ်များမှ အရွက်နုကလေးများသည် ပန်းရောင်း၊ အနီရောင်အဆင်းရှိသောကြောင့် လူကြိုက်များကြောင်း၊ သပြေပန်းကို အခက်စည်းနှင့် အငုတ်ဟူ၍ (၂)မျိုးရောင်းချလျက်ရှိကြောင်း၊ ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း သပြေပန်းခက်(၁)စည်း လျှင် (၈၀၀မှ ၁၀၀၀)ကျပ်၊ သပြေငုတ်ကြီး(၁)ငုတ်လျှင် (၄၀၀၀)ကျပ်နှင့် သပြေငုတ်သေး(၁)ငုတ်လျှင် (၁၅၀၀မှ ၂၅၀၀)ကျပ်ဖြင့် ရောင်းချကြောင်း၊ ပန်းထိမ်ငိုပန်း(၁)စည်းလျှင် (၅၀၀မှ ၈၀၀)ကျပ် ဖြင့်ရောင်းချလျှက်ရှိကြောင်း သပြေပန်းအငုတ်သည် ကြာရှည်ခံသည့်အတွက် လူကြိုက်များကာ အရောင်းသွက်လျက်ရှိကြောင်း ပန်းရောင်းသူများထံမှ သိရှိရပါသည်။
DOCA(စစ်ကိုင်း)