သာစည်မြို့နယ်တွင် လယ်ယာထွက်ကုန်ဟင်းသီးဟင်းရွက်မျိုးစုံစိုက်ပျိုးကြရာ ချဉ်ပေါင်ရွက်ကိုလည်း သာစည်မြို့နယ်တဝိုက်ရှိ ကျေးရွာများ၌ တချို့ဥယျာဉ်ခြံမြေများတွင် တနိုင်တပိုင် စိုက်ပျိုးကြပြီး၊ ယခုအခါ စီးပွားဖြစ်စိုက်ပျိုးလာကြောင်း စိုက်ပျိုးတောင်သူများမှ ချဉ်ပေါင်ပင်မှ ချဉ်ပေါင်ရွက်ကိုသာမက ချဉ်ပေါင်သီးများရောင်းချရသဖြင့် အကျိုးအမြတ်များရကြောင်း၊ ယခုဇူလိုင်လတတိယပတ်တွင် ချဉ်ပေါင်ရွက်ကိုဈေးကွက်အတွင်း (၂၅)ကျပ်သား လျှင် (၃၀၀)ကျပ်၊(၅၀)ကျပ်သားလျှင်(၆၀၀)ကျပ်၊(၁)ပိဿာလျှင်(၁၀၀၀)ကျပ်နှုန်းဖြင့်အရောင်းအဝယ် ဖြစ်လျက်ရှိပါသည်။ ချဉ်ပေါင်သီးများမှာလည်း တစ်ပုံလျှင်(၂၀၀-၃၀၀)ကျပ်ဖြင့် ရောင်းချလျက်ရှိကြောင်းသိရပါသည်။ ချဉ်ပေါင်ရွက်ကိုဟင်းလျာအဖြစ် ရာသီမရွေးစားသုံးနိုင် သော်လည်း ချဉ်ပေါင်သီးမှာ အသီးသီးချိန်တွင်သာ စားသုံးနိုင်သဖြင့် ရာသီစာသီးနှံတစ်မျိုး ဖြစ်ကြောင်း သိရှိရပါသည်။
DOCA(မန္တလေး)