မန္တလေးတိုင်းဒေသကြီး၊ ညောင်ဦးခရိုင်သည် စိုက်ပျိုးရေးနှင့်မွေးမြူရေးလုပ်ငန်းကို လုပ်ကိုင်လျက်ရှိရာ မိုးနှမ်းများကို ညောင်ဦးမြို့နယ်တွင် (၃၂၆၀) ဧက၊ ငါ့သရောက်မြို့နယ်တွင် (၆၉၂၇) ဧက စုစုပေါင်း (၁၀၁၈၇) ဧက စိုက်ပျိုးနိုင်ခဲ့ကြောင်း ခရိုင်ကြေးတိုင်နှင့်မြေစာရင်း ဦးစီးဌာန၏ စာရင်း အရ သိရသည်။
မိုးနှမ်းကို ဧပြီလတွင် စိုက်ပျိုးကြပြီး ယခုအချိန်တွင် လှိုင်လှိုင်ထွက်ပေါ်လျှက်ရှိကြောင်း နှမ်းမျိုးအနေဖြင့် ဆင်းရတနာ-၃၊ မယ်သီလနှင့် နှမ်းနီ ၂၅/၁၆၀ မျိုးများကို အများဆုံး စိုက်ပျိုးကြပြီး တစ်ဧကလျှင် မျိုးစေ့ (၂)ပြည်ခန့် ကုန်ကျကြောင်း၊ မျိုး ၊ သွင်းအားစု ၊ လုပ်သားခ အပါအဝင် တစ်ဧက လျှင် စုစုပေါင်း (၃၀၀၀၀၀) သုံးသိန်းကျပ်ခန့် ကုန်ကျပါကြောင်း၊ အထွက်နှုန်းအနေဖြင့် တစ်ဧကလျှင် (၅.၆) တင်းခန့် ထွက်ရှိကြောင်း ဈေးကွက်အနေဖြင့် တောင်သူများက ညောင်ဦးမြို့ရှိ ပွဲရုံများသို့ တိုက်ရိုက်တင်ပို့ရောင်းချပြီး ပွဲရုံများမှတစ်ဆင့် မန္တလေးမြို့နှင့် ရန်ကုန်မြို့သို့ တင်ပို့ရောင်းချကြကြောင်း၊ နှမ်းအထွက်နှုန်းနှင့် ဈေးနှုန်း ပိုကောင်းပါက အကျိုးအမြတ်များရရှိနိုင် မည်ဖြစ်ကြောင်း နှမ်းစိုက်တောင်သူတစ်ဦးထံမှ သိရသည်။
DOCA(မန္တလေး)